2 Kor. 11:23 - Sumi Naga CL (Re-edited) Bible (BSI)

²³ Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

BAIBEL (BSI)

²³ Panonguye Khristo ghinikishimi kesha? Niye panongu nguno aghinimi akiviuke! (Niye izuphokicheyive kemi lakhi toi pianike.) Panongu nguno ino alau aghichhe ghime shipuani, ghuthu kutomo akughu shipuani, pikhamla kepushi timino iheqhipuani eno ghuthu kutomo thiveke kumlho shipuani.

Sümi Tiqhelimi Bible

²³ Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 11:23 Referans Kwoze

2 Kor. 6:9

ithi akeghi mtha ketoi ni kihi cheni, ikemu kuchou loye aqha kighithimi ke; kithimi toi, ikemu julo, ningu ye xüani; ghimeqhi akeghi pithive moe;

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Apostolmi 9:16

Pa ye I je ghenguno khijehi ime masa keno I no pa piye nani.”

Philemon 1:9

tishimu kikimiye ghenguno, ni ye o qhüinijuni keu shivae—ni Paul, layemi lakhi eno itehi Khristo Jisü ghenguno akughumi shi akeu—

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

2 Tim. 1:16

Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

FILIPIAMI 1:13

tishikeu lono kükaki lo ghukhemi eno kütami ghi I no akughushi akeu ye Khristo ghenguno kepi ithi khavae.

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

2 Kor. 11:5

Kuchou no I no kümsüju kelo ni ye hu akighiche apostolmi ipi chekeqo nguno akuchuniu ye kumoe.

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

2 Kor. 4:11

Kughengu Jisü ghenguno alhokuthu ni küxü ye akithipu lo ikhiphetsü acheni, tishianguno pa küxü ghi ni phimpi lo ithulu peniye ke.

Rommi 8:36

Ishi yepüake toi, “Atsala kupuju ningu ye o ghenguno akithipu sholu acheni; ambe ghiqhi niye akeu paphishi ningu kihi acheni.”

Apostolmi 28:30

Ampe kini kutolo Paul ye pa no ame süghi ngoche, eno pa lau ighi kemi kümtsü sasü kusholu no

Apostolmi 28:16

Kughou ningu no Rome lo iloghi keno, Paul ye ghüshimi lakhi no pa kheno pa kutoshi ngolu penike azah tsü.

Apostolmi 27:1

Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

Apostolmi 25:14

Pama no atsala kutomo ngo akehu Festus no akükau zülo Paul tsakükügha vehu pesü pi, “Hile timi lakhi Felix no akughu shipüaghi keu ani.

Apostolmi 21:11

Pa no ighi no Paul pokha ikhipe pa pukhu ngo au tshüve no pi, “Aghungu Kimthe no ishi piani, ‘Apokha hipau mpeu ye Jerusalem lo Jewmi no hitoi phedape Jewkumomi u lo süvetsü nani.’”

Apostolmi 20:23

Aphughi kümtsü lo Aghungu Kimthe no akughukishi eno shiluküsa no I khe akeu kütüghü ani.

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

JEREMIYA 36:5

Jeremiah no ishi Baruch azah tsü, “Ni ye Ampeu kilo wuni keu lakhavae,

1 Kor. 4:9

Kughengu I no kümsüju kelo ningu apostolmi ye akithi za tsüve kemi toi Alhou no ningu pesü ashekhau shi aqha zülo pephe piye ani, kughengu ningu pesü ayeghiqha, kungumi, eno timiqo zülo qheghüi jukepu lakhi shive tsüae.

1 Kor. 4:11

Itehi kutolo ningu ye müzüthi tüghüthi ani, ningu ye aphimini küixü pepu, ningu heqhi-buqhi eno kupokichemi shiani,

Galatiami 6:17

Hinguno hilauye timi khumu I pünaqhi kevilo, kughengu ni ye I phimpi lo Jisü zaku xapu anie.

2 Tim. 3:11

Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.