2 Kor. 10:7 - Sumi Naga CL (Re-edited) Bible (BSI)

⁷ Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

BAIBEL (BSI)

⁷ Nongu zulo kiu ani keno julo. Nongu gholo khualano paye Khristo timi kepi mutsuqheyi shilu aghi aye pa likhi pano highi kumsukutojulo: pano Khristo timi kehutoi ningu ghike.

Sümi Tiqhelimi Bible

⁷ Nongu ye ashou kogheküghü ju no küghathabe cheni. Khuala no panongu ye Khristo’w kepi pülükibe shi aye, ningu ghí panongu toi Khristo’w kepi kümsükutoju tsü moayesae.

2 Kor. 10:7 Referans Kwoze

2 Kor. 5:12

Ningu ye ningu ampi sheqhe anike kumoe ikemu ningu jeku lono nongu pelo qhezalu peniye ke, tishianguno nongu pelo khunono amlo lo akeu jumono ashou aju akoghe jupe qheza cheni keno tipaqo khochilelu peniye ke.

1 Kor. 14:37

Khuana no pa ye tungkupmi, momu aghungu lomi kepi kümsü aghi aye, pa ye I no nongu lau kiu yepuwu ani keno ti ye Ampeu no azah tsüe pi ithi masae.

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

John 7:24

Agi juno küghatha kevilo, ikemu achipiu küghakütha pesü küghatha lo.”

1 John 4:6

Ikemu ningu ye Alhou laumi ke. Khunono Alhou ithi ani keno ni tsapi initsü cheni; eno khunono Alhou laumi kumo keno ni tsapi initsü chemoe. Hipau lono ningu no Kuchou Ghungu eno kichileu ghungu michilu cheni.

1 Kor. 9:1

Ni ye I ghoshi ililai anike kumo? Ni ye apostolmi ke kumo? Ni ye ni Mpeu Jisü ithulu püamo keo? Nongu ye I no Ampeu lau mlaphe keu kekumo keshea?

1 Kor. 3:23

eno nongu no Khristow, Khristo no Alhouw ke.

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

1 Kor. 1:12

I no piakeu ye hike: nongu lakhikhi no piani, “Ni ye Paul laumi,” “Ni ye Apollos laumi,” “Ni ye Peter laumi,” momu “Ni ye Khristo laumie.”

2 Kor. 13:3

kughengu Khristo no I vecheo kiu pi ani keno nongu no thopi khu ani. Pa ye nongu peitha kelo miqemlei ke kumoe ikemu akumtoshi nongu gholo ani.

2 Kor. 12:11

Ni ye küghüzümi shiauvae! Nongu no I sheqhe kepu kelaye anguka lono I pelo aghüzüu shivepe ae. Kughengu I no kiumu kumo namu ni ye kiu lonomu hu akighiche apostolmi ipi chekeqo nguno akuchuniu ye kumoe.

2 Kor. 11:18

Kutomo no ashi gholau no qheza cheni keke ni ghi qhezani.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”