1 Tim. 6:16 - Sumi Naga CL (Re-edited) Bible (BSI)

¹⁶ Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

BAIBEL (BSI)

¹⁶ Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

Sümi Tiqhelimi Bible

¹⁶ Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

1 Tim. 6:16 Referans Kwoze

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

1 John 1:5

Ningu no Anu launo chilu püzü nongu lau pikülha akeu tsape ye hike: Alhou ye aküvü, eno Pa küdau ye khilemu aküzü kühae.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

John 6:46

Tipau kiqi ye khuu no Alhou launo ighi keno, pa likhino Apu ithuluve ake thono kümtsü noke kumoe.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

LESHELE 104:2

aküvü pesü O küzüpu ani, Nono aphiki toi kungugha xakho ke.

IPEKULU 3:14

Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

HABAKUK 3:4

Pa küvü ye akulu toi; Pa u lono kulophe; eno Pa no Pa küka tile küzüpe qhie.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

Piyeküsü 7:12

pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”

IBRIMI 13:8

Jisü Khristo ye ighi, ishi eno alholo aphiphie.

IPEKULU 33:20

Ikemu no ye I gi ithulumo nani, kughengu timi ye Ni ithulu kelo xümo nani.”

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

FILIPIAMI 4:20

Ningu papu Alhou lau alho lono alholo ajuküvü apelo. Amen.

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,

JOB 37:23

Ningu ye Akughushuu phumlae; Pa küka ye ighono kije; Pa ye kuchou xakütha eno kupukuno mikucho hexavemo nani.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 4:12

Timi khunomu Alhou ithulu mphi; ikemu ningu no lakhino lakhi kimiye kile aye, Alhou ye ningu lolo ani eno Paw kikimiye no ni lolo kupukülailu ani.