1 Tim. 4:6 - Sumi Naga CL (Re-edited) Bible (BSI)

⁶ Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

BAIBEL (BSI)

⁶ Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.

Sümi Tiqhelimi Bible

⁶ Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

1 Tim. 4:6 Referans Kwoze

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Titus 2:1

Ikemu nou ye mtsümishei keu külütsa pesü shikalo.

Kolosiami 4:7

I no mlaitha keu kümtsü Tychicus no nongu vilo pi nani. Pa ye kimiye chekeu athiküzüu eno pükhükulupu qeu eno Ampeu kümla mla küqha chekemi ke.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

Jude 1:5

Itehi ni ye nongu no püzüu no ithive keu tsa pesü ghutu kitheni shiani, ike Ampeu khuu no Egypt yeghi lono timiqo xaphelu keno, athiu ye pülümo keqo pithive ke.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

2 Tim. 3:10

Ikemu no ye hipaqo lo I pape luvae: Iw shiküka, ghushoghili, I küxü kimji, I küpülü, Iw kutuukulu, I kikimiye, I no ithamo keu,

2 Tim. 1:6

Hi ghenguno I no o shou kükümgha betsü kelono Alhou no agho o tsükeu hu iqü ipeghi penike o piputo ani.

1 Tim. 6:3

Khuana no akülü kütau shika eno ni Mpeu Jisü Khristo no tsaqüi pikeu tsa ngo Alhou sümsani keu shiküka sasü kiyeqüve aye,

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

1 Tim. 1:10

kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

Ephesiami 6:21

Nongu ghi ni ye kishi ani eno kiu shi ani keno ithi penike kimiye chekeu athiküzüu eno Ampeu kümla lo pükhübekuluu Tychicus no thokha nongu vilo pi nani.

2 Kor. 6:4

ikemu Alhou qemi kehu alaghi thokha lo ningu ampi no kichekipiye shicheni: aghime lo, akijiksapu lo, amhekiqi lo shishe puqhekulu shicheni,

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

1 Kor. 4:17

Hi ghenguno I no Ampeu küdau no pükhükulupu nu, I qhuu Timothy nongu lau puwu ani, ti ye I no Khristo gholo cheche keu pesü akuaqha lo akukuhou kümtsü lau shika cheke toi nongu kütü peniye ke.

Rommi 15:15

Ikemu akimji tsa hami loye nongu ghutu kithe ghi ni ye süchile mono mtotoi yevae, kughengu Alhou no küpükini I tsükeu ye

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Apostolmi 20:31

Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

AHOLE 4:2

kughengu ni ye mtsümishei keu kighithi nongu tsü cheni; I no shika keu pheve kevilo.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

Luke 1:3

Ikehu shishe akiqheu Theophilus, hipa vehu kümtsü idewo abothu lono tsaqütsalei phukide eno küpasülu keu kiqi lono, ni ghi o ghenguno kithikiyi keu yekümla hi shitsüni ke pulolue,

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

FILIPIAMI 2:20

Kughengu pa toi kuchou shi nongu kivipu ghenguno alomsü tsüni kemi ni ye kütami kühae.

FILIPIAMI 2:22

Ikemu nongu no Timothy philo akeu meküa ithi ani, kishi anu no apu sasü mla cheni keno, pa no titoi atsakiviu kümlapu lo I gholono hukuthu kümla shi ighike.