1 Thes. 4:8 - Sumi Naga CL (Re-edited) Bible (BSI)

⁸ Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

BAIBEL (BSI)

⁸ Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

Sümi Tiqhelimi Bible

⁸ Tighenguno, khukhumu hipau shikakütsü milive keu ye timi milive anike kumoe ikemu Alhou khuu no pa Ghungu Kimthe pesü nongu tsü keno pa milive anie.

1 Thes. 4:8 Referans Kwoze

1 John 3:24

Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

John 12:48

I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

AHOLE 23:9

Anikhami vilo atsa pikilhe kevilo kughengu nono akükümsü kivi tsa piakeu pa ye jukünatha nanike.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

Jude 1:8

Titoi timi hipaqo ghi pano samo pükhüpe aphimpi shipixi, yepemi milive eno ajuküvüpu timiqo thaigha ke.

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

1 Kor. 7:40

Tishimu Iw xakütha kiqilo li ye külau move keu no alau amloqi nani. Eno ni ghi Alhou Ghungu no I sasü anie pi kümsü ani.

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

SAMUEL ATUGHIU 10:19

Ikemu ishi nongu no nongu Lhou, khuu no amhekiqi eno aghime kitikhi kümtsü lono nongu xalu keno, Pa milivae, eno nongu no Pa vilo pi, ‘Kükami lakhi ningu shou qhitsülo.’ Tighenguno itehi nongu shiaye eno qhethonhe mqo kiqi lono Ampeu zülo ighilo.”

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

Apostolmi 13:41

“‘Julo, nongu thoküghami, apuchopungo pe pühavelo; kughengu I no nongu ghuloki lo akümla lakhi shi ani, ti ye khami no nongu vilo pinamu pülü moni keu kümla ke.’”

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.