1 Thes. 2:5 - Sumi Naga CL (Re-edited) Bible (BSI)

⁵ Nongu no ithi anike ningu ye khilemu alatsa pisü ighimoe, momu alakimne no küzü pusü ighimoe—Alhou no thopike.

BAIBEL (BSI)

⁵ Kughengu nonguno ithianike, ninguye timi shepukakeu momu alakimine venhanikeu tsa peitha chemoe, tiye Alhou no ashepe nitsu anike!

Sümi Tiqhelimi Bible

⁵ Nongu no ithi akeu toi ningu ye khilemu timi müqüqhi chemo, tilikhi kumo no ningu ye ni lakimine ghenguno müqümgha shichemoe. Tiye Alhou no ninguw thopi ke.

1 Thes. 2:5 Referans Kwoze

2 Kor. 12:17

Ni ye nongu lau aghinimi puwukeu vecheo nongu launo ala shiluve keshea?

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Apostolmi 20:33

Ni ye khuuw ameshoyi, ghükayi, aphimini mu mine püamoe.

Galatiami 1:20

(Nongu lau I no kiu ye ani keno, Alhou zülono ni ye miki amoe!)

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

1 Thes. 2:10

Ningu khuaye no kishi nongu küpülümi lau akimthe, amikucho eno tukutiye küha keno nongu no eno Alhou ghi thopike.

2 Kor. 7:2

Nongu mlo ningu lau khaqhi tsülo. Ningu ye khumu pimi püamo, khumu külügho tsü püamo, ni vehupu shiniye akumou lono khumu peitha püamoe.

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

1 Tim. 3:8

Tihutoi deaconmi ye mtsümishei kemi shimasa, amili shoba moni, aji shomoni; momu alakimnemi shimoni.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

Rommi 9:1

Ni ye Khristo laumi shino kuchou tsa pi ani—I lolo I pütsa chekeu huno Aghungu Kimthe vecheo I shepe shi anike ni ye miki amoe—

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

ISAIAH 30:10

tungkupmi vilo ishi picheni, “Juchho kevilo,” momu, “Ni vilo achipiu tsa pi kevilo; akishekütsü, kümsükuju tsau pesü ni vilo pilo,

AHOLE 28:23

Akumou lono amili peitha kemi nguno alau timi shikümzü sakiyi chekemiu no ashekha lo akishekütsü ithulu cheni.

AHOLE 20:19

Khunono timi xishi itsüwu cheni keno tuqhou zaleve cheni kehu titoi itikütüpa zale chekemi sasü kuloji kevilo.

JOB 17:5

Khuu no aküsami nhemgha luve niye pa thechuni keno pa tianuli nhethi ye icheve nani.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

AHOLE 26:28

Akimki mili ye pa no ghüzave kemi mithi cheni, eno pishikiqhi kichi ye shiküpsapu süghi cheni.

JOB 16:19

Itehi mu Iw thopi ye kungugha lo ani, I shepe shitsü akeu ye kungugha lo ani.