1 Thes. 2:19 - Sumi Naga CL (Re-edited) Bible (BSI)

¹⁹ Ni Mpeu Jisü ikighi lo Pa zülo niw lajupu, ni lokivi, ni jekipipu kiu ani kea? Ti ye nongu ke kumo?

BAIBEL (BSI)

¹⁹ Kughengu Ampeu Jisu no ighikelo pa zulo nino tokulu shinike ghenguno akijivile akivipu eno niwu lajupu akeuye kutami kumono nongu likhike.

Sümi Tiqhelimi Bible

¹⁹ Kughou ningu Mpeu Jisü no ighini keno pa gizülo nongu jekipipu shini keu ghenguno ninguw lajupu, ningu lokiqi, momu ningu kütsükuqho ye kiu kea? Tiye nongu ke kumo keshea?

1 Thes. 2:19 Referans Kwoze

FILIPIAMI 4:1

Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

2 Kor. 1:14

nongu no ningu vetha khamla no aphi kemu—Ampeu Jisü Tsala lo, nino nongu jupe akijivile ketoi nongu no ni jupe akijivile nani.

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

1 Thes. 4:15

Kughengu Ampeu launo ighikeu tsa pesü nino nongu lau hi sheshu ani, ike ningu khunoqo Ampeu ikighi tsala lo thimono xü aghini keno, ningu ye thive keqo züiqeve nike kumoe.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

ISAIAH 62:3

No ye Ampeu ghakhu lo jukighilepu kütsükuqho lakhi shi nani, eno o Lhou yekipe lo kükakütsüqho shi nani.

AHOLE 17:6

Kitemi kütsükuqho ye pa tilimiqo ke, eno atianuliqo kijivilepu no panongu papuqo ke.

AHOLE 12:4

Anipu kighiche ye akimi kütsü kuqhoke, ikemu li no akukujo süghi aye akimi ghi anhü kütsave tsüke paphie.

1 Thes. 2:20

Kughengu nongu no ni jekipipu eno ni lokivipu ke.

AHOLE 16:13

Amikucho mili ye akükau lopue, pa ye khunono achipi tsa pini keno pano kimiye cheni.

AHOLE 4:9

Li no aküzüqhiyi keu eno jukivi kütsükuqho pesü o pipe nani.”

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

John 21:22

Jisü no pa khochile, “I no ighi moke kutolo pa pelo aghipe namu no ye kiu pikepu ani kea? No ye I papelo!”

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.

2 Thes. 2:1

Ni Mpeu Jisü Khristo ikighi eno ningu no Pa gholo kumqoni keu vehulo nino nongu qhüiniju ani athiküzümiqo,

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

James 5:8

Nongu ghi kheakulu shilo. Nongu mlo mtotoi shilo, kughengu Ampeu ighini keu ye au lo pesü ngovae.

2 Peter 1:16

Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.

2 Peter 3:4

Panongu no pi nani, “Pa ighi nanie piche keu shoqhi ye khilave akea? Kughengu apuasüqo no thive kelono ishi kutolo thokha kümtsü pulhoküsü lono acheghi keu atho aphie.”