1 Peter 5:5 - Sumi Naga CL (Re-edited) Bible (BSI)

⁵ Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

BAIBEL (BSI)

⁵ Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

Sümi Tiqhelimi Bible

⁵ Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

1 Peter 5:5 Referans Kwoze

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

AHOLE 3:34

Thoküghami lau Ampeu no thoküghapu piye cheni, ikemu aqhokighemi ye Pa no saphu cheni.

Ephesiami 5:21

eno lakhino lakhi lau Khristo gihu keu michishi qhoqhü kilelo.

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

1 Peter 4:5

ikemu panongu ye Khuu no küxümi ngo kithimi shou küghathani ye kutope ani keno Pa lau kihikülai tsü nani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

ACHINE 19:32

“Kitemi zülo sükümsa shi puthughoni eno kichimi agigihu tsüni, I sümsa lo: Ni ye Ampeu ke.

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

LESHELE 132:9

O chinemi pelo achipiu mikucho pepu pelo, eno Ow akimthemi pelo alokivi lono ighamku pelo.

JOB 29:14

I no amikucho phimini pepuche, kuchou xakütha no chijeboike phi eno akütsükükha ke.

JOB 22:29

Timi sünheqhi kelo nono picheni, ‘Ti ye aqheküza ghengunoe’, ikemu Pa ye aqhokighemi xalu chenie.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

YEKIKITHI AKINIU 6:41

“Itehi ithulo, O Ampeu Alhou, No eno Ow Puloshoqhi kumto kulhokiqhi-a lo ilolo. O chinemi no xakulupu pepu pelo, Ow timiqo no O kivi lo alovilu pelo.

LESHELE 132:16

I no xakulupu phimini pesü li chinemi pipe nani, eno akimthemi no alokivi lono ighamku nani.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

Luke 22:26

Ikemu nongu gholou ye tishimo nani. Tipa züqhulo, khuu no nongu gholo akijeu keno ayitiu shive masa, eno sakipheu huno aqeu shive masae.

1 Tim. 5:1

O nguno akichiu lomipi kevilo ikemu o pu toi pa shikumto lo, o nguno ayitiuqo no o thiküzümi toi peitha lo,

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

AHOLE 25:7

kughengu ghenimi zülono kuchunive pekepu ye “Hilau ikughilo,” ipikeu pavike. O nhethi no kiu ithuluve akeno

DANIEL 11:12

Kughou aqokitikhi sawuve keno, pa mlo ye qhezave nani, eno pa no qhethonhe chighi shou ghiqhive nani ikemu tokulu shimo nani.