1 Peter 4:2 - Sumi Naga CL (Re-edited) Bible (BSI)

² tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

BAIBEL (BSI)

² Tishianguno ayeghilo kuxu hipau xuake thaqhulo ashiajino ngosukumla lono xumono Alhou pulou lono xuwuveniyeke.

Sümi Tiqhelimi Bible

² Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

1 Peter 4:2 Referans Kwoze

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

2 Kor. 5:15

Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Rommi 14:7

Ningu khumu pütüta ghengu likhino xüchemo, momu pütüta ghenguno thive chemoe.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

LESHELE 143:10

O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Mark 7:21

Kughengu timi mlo alou no alhoksa kükümsü ipeghi cheni, kipti-toti dolo mithekumo, aküpka, ghikiqhi, ashupu asalha,

Mark 3:35

Kughengu khunono Alhou pulou shi cheni keno, pa no I thiküzü I chelimi eno I za ke.”

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 Thes. 5:18

atüqhüdo kümtsü lo shikimthi tsülo, kughengu Ampeu Khristo Jisü gholo hi no nongu ghenguno Alhou pulou ke.

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 7:4

Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

John 1:13

ti ye ashi lono punu keu momu timi pulou lono kumoe, ikemu Alhou launo ke.

MATTHEW 21:31

Hi pama dolo khikhiu no apu pulou shitsü kea?” Panongu no khochile, “Akichiu no,” Jisü no panoqo vilo pi, “Kuchou no I no nongu vilo piani, asüqha küqhami eno kütüqhalimi no nongu züuno Alhou yekipe lo ilolu anie.”

MATTHEW 12:50

Kughengu khukhumu I pu kungugha lo akeu pulou shikeu huno I thiküzümi ngo I chelimi eno I zake.”

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

Kolosiami 3:3

Kughengu nongu ye thivae, eno nongu küxü ye Khristo gholono Alhou lau küsüvae.

MATTHEW 20:4

eno pa no pi, ‘Nongu ghi atsailu lo hulo, eno nongu jume kiu no achipi keno I no tsüni.’