1 Peter 4:19 - Sumi Naga CL (Re-edited) Bible (BSI)

¹⁹ Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

BAIBEL (BSI)

¹⁹ Tighenguno khunoqono Alhou pulou lono aghime sholuni keno achipiu mlalo eno panongu kuxu pesu Lhokusuu lau pichebeve pelo.

Sümi Tiqhelimi Bible

¹⁹ Ike tishiaye, khunoqo no Alhou pulou kiqi lono ime ani keno panongu ye panonguw pükhübekulu Pulhoküsüu lau pano likhi panongu ikhiphe pesü tsüve no akivi kümlà mülakibe moayesa nani.

1 Peter 4:19 Referans Kwoze

LESHELE 37:5

Ampeu lau O laghi kulhuqhi tsülo; Pa shou pükhü lo, eno Pa no mlatsü nani.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

1 Peter 3:17

Kughengu Alhou lopushi aghi aye, alhoksa kümla ghenguno imeve keu ye akivi ghenguu no imeve ke pavie.

LESHELE 138:8

Ampeu no I ghenguno Pa kimji shikupu tsü nani; O Ampeu, Ow iqemokeu kikimiye ye alholo acheni. O u no mla keqo pheve kevilo.

1 Peter 2:15

Kughengu nongu no akivi shikeu lono mbomzümi yekümtha hasü luve keu hi no Alhou pulou ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

LESHELE 31:5

I ghungu pesü I no O u lo kulhuqhi tsü ani; Nono I qhüchile luvae, O Ampeu, pükhükulupu Lhou.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

Apostolmi 7:59

Panongu no atu pesü Stephen veqhi akelo, Stephen no pi, “Ampeu, I ghungu ikhilu tsülo.”

Luke 23:46

Jisü no asütsa kuloghi lono pi, “I puo, O u lo I ghungu kulhuqhive tsüae!” Tishino pa tuthu kishekhave.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

1 Peter 3:20

kughengu panoqo ye khaghi Noah no ashuka mlache kelo Alhou no kutuu kheche keu gholu move kemie. Ashekha lo ashukaki tipau vecheo azü lono xalu kemi ye aghulo, pano tache likhie.