1 Peter 4:18 - Sumi Naga CL (Re-edited) Bible (BSI)

¹⁸ Eno “Amikuchomi ghi akushukulu xalu kepu shi aye, Alhou kümthami eno axinemi ye kiu shive nani kea?”

BAIBEL (BSI)

¹⁸ Pipuakeu toi, “Amikuchomi ghi akushukulu xalukepu shiaye; Alhou kuha pichekemi eno axinemiye kiu shive nani kya?”

Sümi Tiqhelimi Bible

¹⁸ Eno, “Tsalá amikuchomi ghenguno xalu nikeu kushokütsü shi aghí aye alhou kümthami eno axinemi ghengu ye kiu shive nani kea?”

1 Peter 4:18 Referans Kwoze

AHOLE 11:31

Ayeghi lono amikuchomi jume tsüchile cheghi keaye, kixikilami ngo axinemi ye khijeta ithulu nani kelae!

EZEKEL 18:24

Ikemu kughou amikuchomi no pa chipiu mikucho lono tsüghüsü idewove no kuchou xakütha shimo eno kixikilami no shiche keu paphi shi aphikümqhüpu shini keno, pa ye xülu nani keshea? Pa no amikucho kümla shi keqo kiumu kümsülu tsümo nani; pa no pishikiqhi kiu shi keno tipau kipimi xapu akeu eno axine shive keu ghenguno pa ye thinani.

Luke 23:31

Kughengu asü no aküxü shi aphilo thotsü hikithipu shi aye, tino qhaive aye kishive nani kea?”

Jude 1:15

eno Alhou kümthami no Alhou sümo keu kümla shi püakeu kümtsü shou küghathabe nani, Alhou kümthami axinemi no Alhou shou alhoksa tsa pipuku keu kümtsü pesü panoqo shou küghatha puku nani.”

1 Kor. 10:12

Tighenguno khukhumu mtotoi puthugho ani aye pa ye veqhimo kepushi jukutolo.

Rommi 1:18

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

Rommi 5:6

Kughengu ningu no miqemlei akelo ado achipi lono Khristo no küsaküghami ghenguno thive tsüe.

BOTHUBO 13:13

Sodommi ye küsakügha, Ampeu shou axine kije shiche kemie.

Apostolmi 27:24

eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’

Luke 15:1

Ghuthu lakhi zame küqhami ngo Ayezah heküxami kümtsü no Jisü kupunu ighia.

SAMUEL ATUGHIU 15:18

Ampeu no akümlapu lakhi lo o puwu no pi, ‘Wulo, Amalekmi axinemi kütsave lo, eno püha khamoke kutolo aghü shilo.’

Apostolmi 27:31

ikemu Paul no aqhe zatsüu ngo ghüshimi vilo pi, “Timi hipaqo no zükilu lo ngomo aye nongu ye xümoae.”

1 Tim. 1:9

Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

James 5:6

Nongu no pimimo keu kileqhive no ghiqhivae. Pa ye nongu mjochile chemoe.