1 Peter 4:14 - Sumi Naga CL (Re-edited) Bible (BSI)

¹⁴ Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

BAIBEL (BSI)

¹⁴ Nonguno Khristo timi shiveke ghenguno timino nongu thaigha aye tiye nongu lokivipue; tipau kiqiye Akimthe jukuvupu Ghungu, Alhou Ghungu no nongu shou anike.

Sümi Tiqhelimi Bible

¹⁴ Tsalá Khristo je ghenguno nongu shikukujo aye, nongu ye müghae, kughengu ajuküvü Ghungu eno Alhou Ghungu no nongu shou anie.

1 Peter 4:14 Referans Kwoze

1 Peter 3:14

Ikemu nongu no achipiu-mikucho ghenguno imeve kepushi namu nongu kümghapu shinani. Tipaqo msaichi kevi momu jupe amlosa kevilo,

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

MATTHEW 5:11

“Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue.

1 Peter 3:16

nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

John 15:21

Ikemu nongu no I laumi kehu panongu no nongu shou hi kümtsü shinani, kughengu panongu ye khuu I puwu keno Pa mthake.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

LESHELE 89:51

tipa pesü O ghümi no junuqhi ke, O Ampeu, panongu no Ow nukikishe pukhune sükiqhe junuqhi ke.

KUKAMI AKINIU 2:15

Kughou Jericho lono ighi kemi tungkupmi loji no pa ithulu keno, panongu no pi, “Elijah nguagha Elisha shou ikughivae.” Tishino panongu no pa sasü kushoni ke ighi no pa zülo pishiqho.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

Galatiami 1:24

Ikehu panongu no I ghenguno Alhou sheqhe ke.

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

John 9:28

Tileno panongu no pa thaigha ghi pi, “Nou no pa khopemi, ikemu ningu ye Moses khopemie.

John 8:48

Jewmi no pa khochile, “No ye Samariami eno o lolo tüghami anie pi ningu no pikeu ye achipi kumo keshea?”

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

LESHELE 49:9

tishino alhokupuju xüauve no khilemu aqokutho ithulu mokeu ye shive mlae.

KUKAMI ATUGHIU 10:8

Ow timiqo lokivipue! O qemi lokivipue! Kughengu panongu ye alhokuthu o zülo puthugho no o lokütsü tsa ini acheni!

2 Peter 2:2

Kutomo no ashi lo pitipüza keu pape wuve no tipaqo ghenguno kütami no kuchou laghi pipütha nani.

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

ISAIAH 11:2

Ampeu Ghungu no pa shou anani, alokütsü ngo vethakulu Ghungu, mijekütsü ngo aküka kumto Ghungu, akighithi ngo Ampeu sükümsa Ghungu no pa shou anani.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Apostolmi 28:22

Ikemu ningu ye o kükümsü kiu keno o launo chiluni shi ani, kughengu aqha kümtsü lo hipa mqo pipüsa akeu nino ithi anie.”

2 Kor. 4:10

alhokuthu ni phimpi lo Jisü kithi xapu acheni, tishianguno Jisü küxü ghi ni phimpi lo ithulu peniye ke.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

1 Peter 4:16

Tishi namu, khuana no Khristomi lakhike ghenguno ime aghi aye, pa ye kujomza kevilo, ikemu tipau jelono Alhou shikimthi lo.