1 Peter 3:8 - Sumi Naga CL (Re-edited) Bible (BSI)

⁸ Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

BAIBEL (BSI)

⁸ Ashekhashi, nongu kumtsu akukumsulo ngo amlo imekeulo lakhishi kuqhakulu shilo; athikuzumi kimiyekile ketoi lakhino lakhi kimiyelo eno lakhino lakhi lau amlo kumtsha eno ivunheyi shilo.

Sümi Tiqhelimi Bible

⁸ Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

1 Peter 3:8 Referans Kwoze

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

Ephesiami 4:2

aqhokigheu eno akümtsha, tipau gholo kutuukulu, kikimiye lono lakhino lakhi lau kheakulu shi,

ZEKHARIA 7:9

“Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

1 Kor. 12:26

Aphiau lakhi no imeve aye, kümtsü no imeküqha cheni; lakhi no shekiqhe ithulu aye, kümtsü no alovi küqha cheni.

MATTHEW 18:33

Ikehu I no o kimiyeqhiyi ketoi no ghi o küsau kimiyeqhiyi kepu shiake kumo?’

1 John 3:14

Ningu ye akithi hechesü aküxüpu lo ipeghivae pi ithi ani, kughengu ningu no athiküzümi kimiye acheni ke. Khunono kimiye kile chemo keno akithipu lo anie.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

IBRIMI 13:1

Athiküzümi dolo kimiye kile ketoi kimiyelo.

2 Peter 1:7

Alhou ithitoi keu gholo aküsami ivükile keu pesü veqalo, eno aküsami ivükile keu gholo kikimiye pesü veqalo.

1 Peter 2:17

Timi kümtsü gihulo, aküsami küpülümi kimiye lo. Alhou msalo. Yepetou gihulo.

LESHELE 103:13

Apu lakhi no pa tianuli lau kikimiye piye cheke toi, Ampeu no Pa gihu chekemi lau kimiyekini piye cheni.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

Rommi 15:5

Kheakulu eno shikumtokütsü Lhou no nongu pelo Khristo Jisü gholo xüküqhalu keu vecheo kuloni küghüvüi amlo lakhishi xülu peni,

Apostolmi 28:7

Ningu no ngo akeu phivilo züdoyeghi tipau kükau Publius yeghi ae. Pa no ningu ikhilu eno atsala küthü ningu kimiyeqhiyi pa kilo sasü.

Apostolmi 27:3

Thoghiu ningu no Sidon tolu. Julius no kimiyeqhiyi Paul ikhilu eno ado pa tsüno pa küsami lau wulu eno pa tucholupe.

Apostolmi 2:1

Kughou Pentecost tsala ighi keno, panongu kümtsü a-a lakhi lo ae.

AHOLE 28:8

Akighishe lono küakini kughuko chekemi ye kütami khuu no kumlhomi tsü-je cheni keno pa ghenguno pekike tsüani.

Luke 10:33

Ikemu Samariami lakhi no tipa la lo cheke lono tile ighilu, eno kughou pa no timi hu ithulu keno, pa ye ighono amlo saqhiyive.

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.