1 Peter 3:3 - Sumi Naga CL (Re-edited) Bible (BSI)

³ Nonguw jukivi ye ashou—asa lo msapuku keu jeli eno ameshoyi chiku-chila pukeu momu aphimini nongu no pepu chekeu—huno kepi kihi kevilo,

BAIBEL (BSI)

³ Nonguye juvi peniaye ashou nanu: asa ghokunapukeu, achiku-achipu pepukeu momu aphimini chijebobo ukeu pepukepu kumoe.

Sümi Tiqhelimi Bible

³ Nongu jukivi ye khalau tünatunu lono pìye kepu kumoe, tiye hitoi keu; paküta keu shi asà ghokünapu keu eno ameshoyi chiku pukeu momu amekusho phimini pepu keu.

1 Peter 3:3 Referans Kwoze

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

JEREMIYA 4:30

O no pighive keu, tsülabei keu nanu pepu eno ameshoyi nanu pepusü o nhethi kije shi nudapu akeu kiqi ye kiu kea? Adou lono o jukivipu shi ani. O lojilimi no o thaigha ani; panongu no o küxü phu ani.

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

IPEKULU 33:4

Kughou timiqo no atsa kümka hi chilu keno, panongu ye amlo ijuve eno khunomu achi nanu pepu move.

BOTHUBO 24:53

Eno aqeu huno ghükayi ngo ameshoyi chi eno aphiminiqo ikhipe Rebekah tsü. Pa no li peu eno li paza ghi amekusho tüna-nanuqo tsü.

BOTHUBO 24:47

Tishino I no li vilo iniju, ‘No ye khuno nga kea?’ Li no pi, ‘Nahor nipu Milcah no punu keu Bethuel nonga ke.’ Ikehu I no anigikighi li nigi lo sütsü eno asapu li u mlo lo pipeve.

BOTHUBO 24:22

Kughou sayeshiqo no azü yeluve keno, timi huno ameshoyi nguthi lakhi gram pungu, eno ameshoyi aumlo kükha kini gram 100 kimshi ikhiphe,

LESHELE 45:9

kükami ngaqo no o gigihupu totimiqo gholo ani; o u ajeu kükaliu no Ophir meshoyi pepusü puthugho ani.

IPEKULU 38:8

Pa no alazayi no akhu eno tipau ghope qhikepu mla, ti ye totimi khunoqo no kuposhukulu phiki kulaghi lo mlache keno tipaqow ahiju pesü mlae.

IPEKULU 32:2

Ikehu Aaron no panoqo vilo pi, “Nongu nipu, apu-angaqo kini lono ameshoyi nguthi xajope I lau süghilo.”

EZEKEL 23:40

Pama no putou ghi atsapemi puwu no timiqo kusaghipe; eno panongu no ighi. Panoqo ghenguno nokujo no azü kuchhuve, anhethi lo nudapuve, eno chiku-chilaqo xapuke.

ESTHER 5:1

Atsala aküthüni Esther no kükaliu phimini pepuve no akükau kighiki alou akükau chebo zülo puthugho, akükau ye pa küka chebo alou kükalakhü lo, akighiki ikulola gizüu, iqa ae.

IPEKULU 35:22

Ikehu kiptimi ghi totimi ghi ighie. Khunoqo no pulopinyi keu mlo xapu akeno panongu kümtsü no jidapu chekeu, akinikighi, jedapu nguthi, eno aumlo kükha, ameshoyi nhemgha qhoi pesü akümllagho shi Ampeu lau ikhiphe tsüve.

IPEKULU 3:22

ikemu totimi lakhikhi no li kisüghüu, eno totimi khukhumu li kilo ngo akeu vilo ghükayi, ameshoyi chi eno aphimini khulu nani. Nongu no tipaqo pesü no tianuliqo pipe nani. Titoi nongu no Egyptmi xüle puwuve nani.”

KUKAMI AKINIU 9:30

Kughou Jehu no Jezreel lo ighi keno, Jezebel no chiluve. Li no anhethi nupuve eno akütsü msapuve no alashe lono juae.

1 Peter 3:2

ti ye panongu no nonguw sümsa küzüpu eno tsüghükhüi keu süqesüli ithulu kelono zülu nani.