1 Peter 3:20 - Sumi Naga CL (Re-edited) Bible (BSI)

²⁰ kughengu panoqo ye khaghi Noah no ashuka mlache kelo Alhou no kutuu kheche keu gholu move kemie. Ashekha lo ashukaki tipau vecheo azü lono xalu kemi ye aghulo, pano tache likhie.

BAIBEL (BSI)

²⁰ Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

Sümi Tiqhelimi Bible

²⁰ tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

1 Peter 3:20 Referans Kwoze

2 Peter 2:5

momu tsala Pa no achipiu mikucho sheshuu Noah gholo pano tsüni kumo aye mulholo Alhou kümthami yeghiqha qhoi züqozü lono ghülu püaghimo aye;

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

BOTHUBO 6:3

Tileno Ampeu no pi, “I Ghungu ye pülhapuju timi lolo achemo nani, kughengu pa ye ashike: pa do-ghuloki ye ampe 120 shi nani.”

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:18

Ikehu Noah eno pa nuli, pa nipu eno pa nuli nipuqo no pa gholono ipeghi.

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

MATTHEW 7:14

Ikemu kibikhoi keu khagho eno kushokütsü la no aküxüpu lo sawu cheni, eno tipa la phulu kemi ye aghulo likhie.

BOTHUBO 7:13

Tipa tsala lono Noah eno pa nuli, Shem, Ham eno Japheth, Noah nipu eno pa nuli nipu pano küthü ishi ashuka lo ilove,

2 Peter 3:15

Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,

Rommi 9:22

Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

BOTHUBO 8:1

Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

BOTHUBO 6:8

Ikemu Noah ye Ampeu zülo amlokiqi shilue.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

1 Peter 1:9

nongu ngulho xakulupu, ti ye nongu küpülü vecheo iqüphelu keu hu ithukulupu shike.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

1 Peter 3:19

tithiu Pa no aghungu lono aghawu khatha püakeqo lau asheshu wu,

1 Peter 4:19

Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.