1 Peter 3:1 - Sumi Naga CL (Re-edited) Bible (BSI)

¹ Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

BAIBEL (BSI)

¹ Nongu anipunoqoye nongu kimiqo qhoqhu gihulo, tishianguno panoqo gholo Alhou tsa pulumokemi namu nongu ghushoghili lono panoqo zuluvekepu shiluve nani,

Sümi Tiqhelimi Bible

¹ Anipuqo, tipau tho lono nongu likhi nongu ikhiphe pesü nongu kimiqo lau tsülo tishi keu vechewo tsalá panongu khuala no Alhou tsa shou pülümo aye, atsa pimo no panongu nipuqo ghiliaye vechewo züluve peniye ke,

1 Peter 3:1 Referans Kwoze

Kolosiami 3:18

Anipuqo, nongu kimi qhoqhü lo, hi no Ampeu küdau achipi ke.

Ephesiami 5:33

Tishimu, pütüta phimpi toi nongu nipu kimiye lo, titoi anipu no li kimi gihulo.

1 Kor. 11:3

Ikemu ni ye nongu pelo ithi penishi akeu ye Khristo no kiptimi kümtsü shou akütsü ke, anipu shou ye li kimi no akütsü ke, eno Khristo shou Alhou no akütsü ke.

1 Kor. 7:16

Kughengu no anipu ye o kimi xalu nani kemo keno kishino ithi ani kea? Momu no akimi ye o nipu xalu nani kemo keno kishino ithi ani kea?

BOTHUBO 3:16

Totimi vilo Pa no pi, “I no mtsüqheino o punu küsü küghüsüve tsüni; no ye aküsü lono atianuli punu nani. Tishimu nono o kimi jumine nani, eno pa no o shou ayepe nani.”

1 Peter 3:7

Tipaphi lono akimiqo, alhoaye lono totimiu no akimqeu kepi vethalu no agigihupu lono nongu nipuqo sasü xülo, tishikeu lono nongu kighini lo lakükhapu küha nani, kughengu panongu ghi nongu gholono aküxüpu gho ithulu küqha kemi ke.

Rommi 7:2

Kughengu akibo shive keu totimi lakhi ye li kimi no xüake tivilo pa gholo xünike ayezah no tsügha püani, ikemu li kimi no thive aye, li ye külakupu yezah lono kuqhovae.

1 Kor. 14:34

totimiqo ye akukuho lo iqünhei masae. Kughengu panongu ye atsa pini keu za tsü püamoe, ikemu Ayezah lo pi püake toi panongu ye aqhokigheu shimasae.

MATTHEW 18:15

“O thiküzüu no o shou axine shiaye, pa lau wuno lomoshi pa kipimi pilo. Pa no o tsa initsü aye, no ye o thiküzüu züluvae.

Kolosiami 4:5

Ado akiviu peitha no khalaumi zülo alokütsü lono xüpiye lo.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

AHOLE 18:19

Athiküzüu loshipüsüpe akeu ye aliwo kumto phughi lenikeu nguno akushou, mtomshu keu ye adolo ayi khagho ake toike.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

Rommi 10:16

Ikemu Israelmi ye kümtsü no Atsakiviu gholu kekumoe. Kughengu Isaiah no pi, “Ampeu, ningu no sheshu kelo khuu no pülü kea?”

1 Peter 3:2

ti ye panongu no nonguw sümsa küzüpu eno tsüghükhüi keu süqesüli ithulu kelono zülu nani.