1 Peter 2:7 - Sumi Naga CL (Re-edited) Bible (BSI)

⁷ Ikehu nongu khunono pülü cheni keno pano ghenguno hi ye agigihupu ake, ikemu pülümo kemi ghengu ye, “Akikishimi no kileqhive keu tuqu huno atsükupu tuqu shive aghi,”

BAIBEL (BSI)

⁷ Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

Sümi Tiqhelimi Bible

⁷ Itehi nongu khunoqo no pülü ani keno, atu hipau ye akughupu ke. Ikemu khunoqo no pülümo keno, “Aki kishimi no atuqu milive keu no akhotou tuqu shivae,”

1 Peter 2:7 Referans Kwoze

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

IBRIMI 11:31

Aküpülü lono asalhau Rahab no pukujumi sasülu kehu hekibidemi gholono pühave moe.

IBRIMI 4:11

Tighenguno ningu tipau kulhokiqhi-a lo iloni ke pükapütsani nolo, tishianguno khunomu hekibidemi toi ikiqive pemonie.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

Kolosiami 2:10

eno nongu ye pa launo chhikhoi luvae, pa no ayekipe eno kükagha kümtsü shou akütsü ke.

2 Kor. 2:16

pühave akemi lau ningu ye akithipu xokütsüngü, xaluve akemi lau ningu ye aküxüpu axokütsüngü ke. Khuu no hipaqo shikulupu kupukülai ani kea?

Rommi 15:31

tishikeu lono Judea lo pülümokemi launo I xaphelu, eno Jerusalem lo I kümlapu ye küpülümi zülo ikhikulupu shi peni,

Rommi 10:21

Ikemu Israel vehulo Alhou no pi, “Atsala kupuju Ni ye aghokulu kumomi ngo hekibidemi lau I u sükhope khe ighivae.”

Apostolmi 26:19

“Tighenguno, O Akükau Agrippa, ni ye atsütsü lo kungunhetsü hebide püamoe.

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

Luke 20:17

Ikemu pa no tsaqüi panongu gi lo jupuku no pi, “Imaye hitoi yepüa keu ye kiu kea?: “‘Aki kishimi no atu kileqhive keu no atsüghi tuqu shivae.’

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

ISAIAH 28:5

Tipa tsala lo aqokitikhi MPEU no Paw timi ghükulumi ghenguno agigihupu eno jukivi kütsükuqho shinani,

Luke 2:34

Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani,

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,