1 Peter 2:6 - Sumi Naga CL (Re-edited) Bible (BSI)

⁶ Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

BAIBEL (BSI)

⁶ Kughengu kuchoyesulo ishi pipuani, “Julo, Zion lo ino atuqu lakhi qhipuani, Amekusho eno kishekiphe atsukupu tuqu Khunono pa pulu nikeno alokumtshuvepemo nani.”

Sümi Tiqhelimi Bible

⁶ Kughengu Kuchoyesü lo ishi pipüani: “Julo, I no Zion lo atu lakhi qhi ani, tiye kisheluve keu eno akughupu boqha-tu lakhi ke, eno timi khuu no pa shou pükhübeni keno pa ye khilemu kujove pemo nani.”

1 Peter 2:6 Referans Kwoze

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

ZEKHARIA 10:4

Atsükucho, aphiki kufuyi, aghüshi piji, yepemi kümtsü kümtsa Pa launo ipeghi nani.

Mark 12:10

Nongu ye Kuchoyesü hipau philu mphi kea? “‘Aki kishimi no atu kileve keu huno atsüghi tuqu shivae,

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

ISAIAH 50:7

Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

2 Tim. 3:16

Kuchoyesü kümtsü Alhou no müzüphe tsüe, ti ye kuchou shiküka lo, sakiyi keu lo, shikithekütsü lo eno amikucho qokiphe kümtsü lo peithalu nani,

John 7:38

Khunono I pülüni keno, Kuchoyesü no pike toi, ‘Pa mlo lono aküxüpu zü qoipeghi nani.’”

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

Luke 23:35

Timiqo no puthughope jukuto akelo yepemi no pa jukünatha ghi pi, “Pa no Alhouw Messiah, kishekipheu ipi aghi aye, kütami xalu cheke toi pa ampi xaluve pelo!”

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

ISAIAH 41:11

Julo, khunoqo no o shou amloide ani keno, panongu kümtsü kujovepe nani; khunono o sasü kumgho cheni keno, panongu ye kiumu kumove nani eno püghave nani.

LESHELE 89:19

Khaghi Nono kungunhetsü lono küpülümi pütsa no pi: “I no aghütou lakhi kuphuvae; I no timiqo dolo milakhi kishelu keu süqhevae.

LESHELE 40:14

Khunono I küxü pühave tsüniye phucheni keno akukujo lo ilove no aghüthisüve pelo; khunono I ghüza nike azüküvüshi acheni keno, pano hachileve no akukujopu lo ilove pelo.

2 Peter 3:16

hi ye paw yesü kümtsü lo pa no pichekeu tsake. Paw yesü lo kuthoküzü tsa hami vethalu nike shokeu ani, ti ye mtha kemi eno aküpülü lo akuhu qüsümo kemi no Kuchoyesü kütau tuchighive chekeshi tipaqo ghi pesü pano ampi shiküpsapu ghenguno tuchighi cheni.

2 Peter 1:20

Ikemu Kuchoyesü lo tungkuptsa lakhimu lüthüw pekibide lono kumo kepi atüghüshi ithilo.

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

Apostolmi 1:16

“Athiküzü chelimiqo, Judas no Jisü küghakulumi lapiyeu shive keu ye Aghungu Kimthe no azünatha David vecheo pi püakeu Kuchoyesü shikupu niye ke.

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

Luke 20:17

Ikemu pa no tsaqüi panongu gi lo jupuku no pi, “Imaye hitoi yepüa keu ye kiu kea?: “‘Aki kishimi no atu kileqhive keu no atsüghi tuqu shivae.’

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.