1 Peter 2:17 - Sumi Naga CL (Re-edited) Bible (BSI)

¹⁷ Timi kümtsü gihulo, aküsami küpülümi kimiye lo. Alhou msalo. Yepetou gihulo.

BAIBEL (BSI)

¹⁷ Timi kumtsu gihulo, nokusami kupulumiqo kimiyelo. Alhou sumsalo eno Akukau gihulo.

Sümi Tiqhelimi Bible

¹⁷ Kümtsü lau agigihu achipi shi pìyelo, athiküzümi eno achelimi küpülümiqo kimiye lo, Alhou sümsa lo, qhasükükau gihu lo.

1 Peter 2:17 Referans Kwoze

AHOLE 24:21

I nu, Ampeu ngo akükau msalo, eno tishimo kemi gholo kuloji kevilo,

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

Rommi 13:7

Panoqo lau kiu tsü kepushi ani keno kümtsü tsülo: khuno lau zame, momu süqhasüli tsü kepushi ani keno tsülo, sükümsa eno agigihu pesü khuno tsüküzü keno tsü ishilo.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

IBRIMI 13:1

Athiküzümi dolo kimiye kile ketoi kimiyelo.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

1 Tim. 6:1

Khunono aqüaxe lo ani keno, pano mpemi ye qhoqhü küzü kepi kümsülu lo, tishianguno timi khuu pelomu Alhou je eno shiküka pipüsa pemonie.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

ACHINE 19:32

“Kitemi zülo sükümsa shi puthughoni eno kichimi agigihu tsüni, I sümsa lo: Ni ye Ampeu ke.

MATTHEW 22:21

Jisü no panoqo vilo pi, “Tishiaye Caesarw no Caesar tsülo, eno Alhouw no Alhou tsülo.”

YETSAPIU 8:2

I no piani; Akükau zakütsü papelo, kughengu Alhou no pa lau ashoqhi shipüani ke.

Ephesiami 5:21

eno lakhino lakhi lau Khristo gihu keu michishi qhoqhü kilelo.

AHOLE 23:17

Axinemi jumine kevilo, ikemu aküxü tivilo tamono Ampeu sükümsa lono xülo.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

John 13:35

Nongu lakhino lakhi kimiye kile aye, hipau lono nongu ye I khopemi kepi timi kümtsü no ithi nani.”

SAMUEL ATUGHIU 15:30

Saul no pi, “I no axine shivae; tishimu Iw timi layemi eno Israel zülo I gihu tsülo eno I gholo idewo tsülo, tishino I no Ampeu o Lhou zülo itsaqini.”

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

ZEKHARIA 11:14

Tishino I no Judah ngo Israel dolo athiküzü azükighi shi achekeu hexave ghi I küsü akiniu Küqhakulu süchheve.

1 Peter 2:13

Timi no pekithipe pimhe chekeu yekipe jeli lo yepemi kümtsü lau Ampeu je ghenguno qhoqhülo, ti ye akuchuquu kükau lau na,