1 Peter 2:16 - Sumi Naga CL (Re-edited) Bible (BSI)

¹⁶ Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

BAIBEL (BSI)

¹⁶ Kuqhophevekemi toi xulo, tishimu noye kuqhophevekemi akepi tipau pesu alhoksa kumla jonha kevilo, ikemu Alhou qemi toi xulo.

Sümi Tiqhelimi Bible

¹⁶ Kuqhopheve kemi toi xülo, ikemu nongu ye kuqhophevea kepi tipau pesü küsakügha nhave nikeu ghenguno peitha kevilo; Alhou qüaxemi toi xülo.

1 Peter 2:16 Referans Kwoze

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Rommi 6:22

Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

1 Kor. 7:22

Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

Rommi 6:18

eno axine lono kuqhopheve akehu Alhou chipiu qüaxemi shiluvae.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

James 2:12

Tighenguno kuqhokiphe yezah qholono küghatha beniye akemi kimshi atsa toi akümla ghi shilo.

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

1 Thes. 2:5

Nongu no ithi anike ningu ye khilemu alatsa pisü ighimoe, momu alakimne no küzü pusü ighimoe—Alhou no thopike.

John 15:22

I no ighimo no panoqo vilo pimo keaye, panongu ye axine shikeu lo küqü moni cheke, ikemu itehi ye panongu xine ghenguno ajeku kiumu kühavae.