1 Peter 2:11 - Sumi Naga CL (Re-edited) Bible (BSI)

¹¹ Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

BAIBEL (BSI)

¹¹ Ino kimiyechekemiqo, ino nongu qhuiniju ani, hipau yeghilo inami eno kupokichemi ake ghenguno ashiajihlo ngosukumla nongu kuxu sasu pulhapuju aghushi akeulo khilemu phesu kevilo.

Sümi Tiqhelimi Bible

¹¹ Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

1 Peter 2:11 Referans Kwoze

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

YEKIKITHI ATUGHIU 29:15

Kughengu ni puasüqo no inami eno kupokichemi shi ighi ketoi ningu ghi O zülo titoi kemie. Ayeghi lo ni tsala ye yekükhü toi wove cheni eno lakujupu kühae.

James 4:1

Nongu gholo kighekile keu ngo kichighi keu ye kiu no kea? Ti ye nongu no pitipüza keu no nongu lolo kichighi keu ghenguno ke kumo?

2 Tim. 2:22

Ikehu alhothe lo minemighei keu launo putosü lo eno amlo kimthe lono Ampeu kuche kemi gholono amikucho, aküpülü, kikimiye, eno aloinokeu phulo.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Rommi 7:23

ikemu I phiau lou ye aye lakhiu no I mlo alou akeu Yezah sasü kichighi acheni, eno I phiau lo axine yezah akeu lau I küghape akughu shive cheni.

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

LESHELE 119:19

Ni ye ayeghi lo kupokichemi lakhi ke; O zakütsü I launo küsüve kevilo!

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

1 Peter 1:1

Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.

LESHELE 119:54

I no kupokiche shichekeu kilo O yezah huno I lekungo shi ighivae.

BOTHUBO 23:4

“Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

IBRIMI 6:9

Kimiye chekeqo, nino hipa gholau no pi animu nongu vehu loye hinguno akiviu—xakulupu thebei ani.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

2 Peter 3:1

Kimiye chekeqo, hi no ghuthu akiniu shi ni ye nongu lau yepuwu ani. Hi küma kini kujolo ni ye nongu ghutu ghi nongu kükümsü mtsümishei keu hakutho tsü ani,

BOTHUBO 21:34

Abraham ye Philistia yeghi lo ado kushuo inami shi itsüche.

ACHINE 15:18

Ashiaji küqhave kethiu akiptiu ngo atotiu pama gha azü kuchhuveni eno avela kutolo mithemo niae.