1 Peter 1:7 - Sumi Naga CL (Re-edited) Bible (BSI)

⁷ tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

BAIBEL (BSI)

⁷ Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

Sümi Tiqhelimi Bible

⁷ Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

1 Peter 1:7 Referans Kwoze

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

1 Kor. 3:13

pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

2 Peter 1:4

tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

Apostolmi 8:20

Ikemu Peter no pi, “Ow ghükayi ye o gholono pühave peniu, kughengu no ye pisa pesü Alhouw kümsagho qhülu nanie pi kümsü anie!

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

MATTHEW 25:23

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 19:28

Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

JEREMIYA 48:36

Ikehu I mlo ye Moab ngo Kir-hareseth ghenguno fulili igha aketoi mloqa ani. Kughengu pano kinikülü ye pühavae.

YETSAPIU 5:14

akini tipaqo ye anguküsa lono puwove cheni. Eno pa ye anu ani kemu kiumu pesü pa nu qhitsü kepu kühave cheni.

AHOLE 16:16

Alokütsü ithulu keu no ameshoyi nguno kishi akiviu kela! Ghükayi nguno vethakulu kishelu keu pavibei ke.

AHOLE 8:19

I xathi no thakimtheve keu meshoyi nguno akiviu, eno I lu lo ghile no ghükayi nguno akiviu ke.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

1 Peter 2:7

Ikehu nongu khunono pülü cheni keno pano ghenguno hi ye agigihupu ake, ikemu pülümo kemi ghengu ye, “Akikishimi no kileqhive keu tuqu huno atsükupu tuqu shive aghi,”

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

Luke 17:30

Ikehu Timi Nu pepheni keu tsala lo ghi titoi nani.

Rommi 2:10

ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani.

Rommi 8:19

Kughengu pulhoküsü kümtsü no khekulhoshi Alhou nuliqo pephe niye akeu huqhe ani.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

AKIKIHI 5:28

Ikemu li no shipixi mono mithe aghi aye, li ye ililai shi anuli mishilu nani.

JOB 28:1

“Mtsüqheino ghükayi khuki eno ameshoyi ghukimthe chekeu-a ani.