1 Peter 1:6 - Sumi Naga CL (Re-edited) Bible (BSI)

⁶ Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

BAIBEL (BSI)

⁶ Highenguno, itehiye ado kitila ghenguno nonguye akijikusapu jelilo aghime shiaghi namu nonguye alokivipuke.

Sümi Tiqhelimi Bible

⁶ Itehi ado kitila ghenguno nongu ye pekuju jeli kümtsü lo amlokighishi shi ime moayesa kepu shi aghí namu hipaqo kümtsü lo nongu ye alokivipu kijè anike.

1 Peter 1:6 Referans Kwoze

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 16:22

Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

LESHELE 34:19

Amikuchomi ghime kitikhi ye kutomoe, ikemu Ampeu no ti kümtsü lono pa xaphelu cheni.

LESHELE 119:28

I ngulho ye amlo ghime lono pitipüha ayae, O tsa kiqi lono I shikumto tsülo!

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

LESHELE 95:1

O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

James 4:9

Amlo küghütashi mloqa ighamku lo. Nongu kunu pesü akumlo shivelo eno alokivi pesü alomtshüve lo.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

James 1:9

Akumlhou athiküzüu ye pa sünheqhe keu lo akijivile masae,

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

2 Kor. 6:10

amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

FILIPIAMI 4:4

Alhokuthu Ampeu lono alovilo, I no itaghi pini: alovilo!

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Rommi 9:2

ike ni ye amloksa kije eno tamomithe iju keu huno I lolo ani.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

LESHELE 69:20

Piküptha no I mlo hepho tsü kehu ni ye amlo ghuju shi ani. Küpüqhiyi tsü peniye I no laju, ikemu khumu aghi moe, alokughuno tsü peniye kemu khumu ithumlae.

LESHELE 35:10

I ghi kümtsü no pi nani, “O Ampeu, O toi khuu no kumlhomi eno aveküsami pükaqhi chekemi, pano nguno akumtomi launo panoqo xaphe cheni kea?”

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

FILIPIAMI 2:26

kughengu pa ye nongu kümtsü kümsü kütüve eno nongu no pa ye süani pi chiluve keu huno amlosa ighivae.

Luke 2:10

Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani.

Luke 1:47

eno I ghungu no Alhou I Xakuluu lau alovi ani,

MATTHEW 26:37

Pa no Peter ngo Zebedee nu pama pa gholo sawu, eno pa ye amlo ghime eno amlo kughuju shive.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

1 Peter 3:17

Kughengu Alhou lopushi aghi aye, alhoksa kümla ghenguno imeve keu ye akivi ghenguu no imeve ke pavie.