1 Peter 1:1 - Sumi Naga CL (Re-edited) Bible (BSI)

¹ Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.

BAIBEL (BSI)

¹ Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

Sümi Tiqhelimi Bible

¹ Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

1 Peter 1:1 Referans Kwoze

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

Apostolmi 8:4

Apanagha wuve keqo no atsa pesü kütsü thuve.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

ESTHER 3:8

Tishino Haman no Akükau Ahasuerus vilo pi, “Timi khami inaghau apanagha ani eno o kükaqha lo akuaqha kümtsü timiqo dolo xukütshü mono ani. Panongu yezah ye kütami launo kütüta, eno panongu ye akükau yezah pechemo, ikehu panongu ghenguno küsüqhive tsüni keu ye akükau ghenguno ala shilumo nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

2 Kor. 1:8

Athiküzümiqo, ningu no Asia lo aghime sholu keu nongu pelo mthano apenishi amoe. Kughengu shishe puqhe kümlapushi ningu ghimeve kehu ningu ye aküxü ghi pülü move.

Apostolmi 18:2

Pa no Pontusmi Jewmi Aquila kusholu. Aquila ye anileshi pa nipu Priscilla sasü Italy lono ighi ae, kughengu Claudius no Jewmi kümtsü vilo Rome qhive lopi azah tsüveke. Paul no pama pütsani ye wu,

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

2 Tim. 1:15

Nono ithi anike, Asia yeghi lo akemi kümtsü no I qhivae, eno tipaqo gholo Phygelus ngo Hermogenes pama ghi ke.

Galatiami 1:2

eno I gholo athiküzümi akeqo no, Galatia lo akukuhouqo lau ye ani:

1 Kor. 16:19

Asia qhalo akukuhouqo no petha nongu tsü ani. Aquila ngo Prisca, eno pama kilo akukuhou no Ampeu lono alokivi petha nongu tsü ani.

Apostolmi 19:10

Ampe kini kutolo hitoi ache, eno Asia lo Jewmi ngo Greekmi kümtsü no Ampeu tsa chiluve.

Apostolmi 18:23

Tile ado hami ngove kethiu, pa ye Galatia ngo Phrygia qhalo, a-a lakhi lono lakhi lo chesü akhopemi kümtsü shikumto wuve.

Apostolmi 6:9

Tile timi khami Kuqhopheve kemiw Sinagog (aje ishi piche) lo kihimpemi, Cyrenemi, Alexandriami, Cilicia eno Asiami, no Stephen sasü kütsala thuve.

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

MATTHEW 10:2

Apostolmi pano chighikini je ye: atüghüshi, Simon, khuu Peter ipiche keno, eno pa thiküzüu Andrew; Zebedee nu James, eno pa thiküzüu John;

MATTHEW 4:18

Tithiu Galilee züghi mkülo chekelo Jisü no akhakükhami athiazü kini, Simon (khuu Peter ipi cheni keno) eno pa thiküzüu Andrew pama, akhame pesü azüghi lo akha vecheghi keu ithulu.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

ZAKINIU 32:26

“I no qhoi panoqo kütsaveni, timiqo mlo lono panongu shipühave tsüni,” ipi ni ye piluni cheke,

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?