1 Kor. 9:21 - Sumi Naga CL (Re-edited) Bible (BSI)

²¹ Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

BAIBEL (BSI)

²¹ Muse yezah kuhakemi Judakumomi gholo niye panongu lakhi toi xucheni, tishianguno Khristo lau panoqo saghiluni kehu. Tishiepimu niye Khristo yezah bocholo anike ghenguno Alhou wu ayezah pemokeu shimoe.

Sümi Tiqhelimi Bible

²¹ Jewkumomi Moses yeza pe chemo kemi Khristo lau süghi nike ghenguno (tishiepimu I no Khristo yeza qholo akeu ghenguno ni ye Alhou yeza pemo keumu shichemoe), ni ye Moses yeza pemo kemi lakhi toi xü cheni.

1 Kor. 9:21 Referans Kwoze

Rommi 2:12

Khunono Ayezah nguno khalau no axine shive akeno Ayezah nguno khalau no pühave nani, eno khunono Ayezah qholono axine shive akeno Ayezah vecheo küghathabe nani.

Galatiami 3:2

I no hilikhi nongu vilo ighiju ani: Nongu ye Ayezah pelu keu lono keo aküpülü vecheo chilu keu lono Aghungu ithulu kea?

Rommi 2:14

Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake.

Rommi 8:4

tishikeu lono Ayezah lo achipiu-mikucho avehupu shi akeu ye ningu ashi lhoaye kiqi lono kumo püzü Aghungu lono cheche kemi launo shikupu tsüniye ke.

Rommi 7:25

Alhou shikimthi, Ni Mpeu Jisü Khristo vecheo ke! Tishi aye, I mlo alouno ni ampi ye Alhou Yezah qüaxemi ipi acheni, ikemu ashi phimpi lou no ni ye axine yezah qe acheni.

Rommi 7:22

Kughengu I mlo alouno ni ye Alhou Yezah lo I züküvü acheni,

Apostolmi 21:25

Ikemu Jewkumomi pülü luve kemi ghengu ye, nino panoqo lau niw xakütha shikeu yesü tsü puwuvae, pano vilo ajulho lau akümllagho tsüve keu ngo aji, tshükiqhi lhoxü chukevi, eno shupu-salha kevilo pivae.”

Apostolmi 16:4

Pama no mishighünaqo lo wuno Jerusalem lo apostolmi ngo layemi no xathalu keu pesü panoqo pelo papelu peniye tsü.

LESHELE 119:32

Kughou Nono I mlo shikuloghi tsüni keno, I no O zakütsüqo laghi lo cheche nani!

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

Apostolmi 15:28

Kughengu hi ye Aghungu Kimthe eno ningu ghi pulolu no bekütha hipaqo nguno alau ye kiu makho mu nongu shou bemoni keu shivae:

Galatiami 6:2

Lakhino lakhi makho putsü kilelo, tishikeu lono Khristo yezah shikupu tsülo.