1 Kor. 9:17 - Sumi Naga CL (Re-edited) Bible (BSI)

¹⁷ Tsala I no I pulou lono hi shiaghi aye, I sala ajume anani, ikemu I pulou lono shiaghimo aye, ni ye I pichebe kümla shiani.

BAIBEL (BSI)

¹⁷ Ino igho ipulou lono ikumlla mla aye, tile ijume itsupenike khe anicheke, ikemu ipulou kumono shimasakeu lono mla aghi aye tiye Alhou no ivilo mlalo pikeu kumlapu sajeke.

Sümi Tiqhelimi Bible

¹⁷ I no akutoshi no kütsü aye, I ghenguno qesaxu ani; eno I no akutoshi no kütsü aghimo aye, ni ye I shou pükhübe no shipe niye pichetsü keu kümlà likhi shi anike.

1 Kor. 9:17 Referans Kwoze

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

Kolosiami 1:25

khipau ghenguno Alhou no I pelo nongu lau Alhou tsa kupukülai pikülha penike I pesü aqemi shi süsüe,

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

MATTHEW 10:41

Tungkupmie pikeu je lono khuu no alokivishi tungkupmi ikhiluni keno tungkupu saxü ithulu nani, eno khuu no timi lakhi ye Alhou lopushi xüche kemi kepi ithi no pa ikhiluni keno, Alhou lopu saxü ithulu nani.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

1 Kor. 3:14

Khuno kümla aboqha shou shipuku püakeu no pitipüha mlani keno pa ye asaxü ithulu nani.

EZEKEL 3:14

Aghungu no I peqheluve eno I sawuve, eno ni ye kukhukimji shive, Ampeu u no I shou akumto shi ikughive ke.

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

ISAIAH 6:8

Tileno I no Ampeu sütsa chilu, “Ni ye khuu puwuni, eno khuu no ni ghenguno wuni kea?” I no khochile, “Ni hile ani! I puwulo.”

NEHEMIA 11:2

Jerusalem lo xüsüni keu shi pütüta no pulolu keqo shou timiqo no kükümgha betsüe.

YEKIKITHI ATUGHIU 29:9

Panongu no amlo kümtsü süno puloniqhiyi Ampeu tsülu ke ghenguno alokivi shive. Eno akükau David ghi ighono alokivi shive.

YEKIKITHI ATUGHIU 29:5

hinguno alau ghi ameshoyi ngo ghükayi kümlami no ala jeli lono kütshakügha shi mlasü peniye ke. Tishiaye ishi, khuu no pa ampi kishekimthe keu shi puloniqhiyi Ampeu lau akümllagho tsünishi ani kea?”

Philemon 1:14

ikemu nono polumo kelo ni ye kiumu shimoni keu shivae, tishikeu lono o kivi ye anguka lono kumono o pulou lono ipeghi peniye ke.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

1 Kor. 9:16

I no atsakiviu sheshuke ghenguno ni ye kiumu qheza kepu kühae. Kughengu tishi peniye azah I tsü püani. I no atsakiviu sheshumo aye I hasapue!

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

MATTHEW 24:25

Julo, I no asheazü shi nongu vilo pivae.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

JONAH 1:3

Ikemu Jonah no Ampeu zülono Tarshish küdau poveni ke wuve. Pa no Joppa lo iqi no Tarshish lo wu cheghi keu zükilu ithulu. Ikehu pa no ame tsüve no Ampeu zülono pove ghi tilau panoqo gholono Tarshish lo wuveni keu shie.

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

1 Kor. 9:18

Tishiaye I jume ye kiu kea? Ti ye kümsa no atsakiviu pesü sheshuni keu, atsakiviu shekushu kümla lo I no ajume ithulu küzüpu shi akeu lumoni keu ke.