1 Kor. 9:1 - Sumi Naga CL (Re-edited) Bible (BSI)

¹ Ni ye I ghoshi ililai anike kumo? Ni ye apostolmi ke kumo? Ni ye ni Mpeu Jisü ithulu püamo keo? Nongu ye I no Ampeu lau mlaphe keu kekumo keshea?

BAIBEL (BSI)

¹ Niye kiu shinikeno tipau shichekemi kekumo kesha? Niye apostolmi lakhike kumo kesha? Niye niMpeu Jisu ithuluke kumo kesha? Nonguye ino Ampeu ghenguno mlakeu lono ipeghilukemi kekumo kesha?

Sümi Tiqhelimi Bible

¹ Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

1 Kor. 9:1 Referans Kwoze

Apostolmi 9:17

Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

1 Kor. 3:6

I no abo shosü, Apollos no azü pusü, ikemu Alhou no thuwulu peke.

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

Apostolmi 9:3

Pa no Damascus kupunuve kelo paikhavi atsütsü lono aküvü lakhino pa sümxape yeluve.

1 Kor. 9:19

Kughengu ni ye khuu qeumu kumo kemu I no ni ampi pesü kümtsü qeu shivae, tishikeu lono Khristo lau timi alau saghi luniye ke.

2 Tim. 1:11

Atsakiviu hipau hu pikülha penike I pesü akükütsüu, apostolmi eno shikükau shi süküsü shi,

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Galatiami 1:1

Paul, timi launo momu timi vecheo kumono Jisü Khristo eno Apu Alhou, khuu no akithi lono pa xüputhu keno, pa launo apostol shilu keu,

1 Thes. 2:6

Momu nongu launo na kütami launo namu ningu ye timi launo ajekipi phumoe, monimo aye ningu ye Khristow apostolmi kehu nongu shou aküka ake.

2 Kor. 11:5

Kuchou no I no kümsüju kelo ni ye hu akighiche apostolmi ipi chekeqo nguno akuchuniu ye kumoe.

1 Kor. 1:1

Paul, Alhou pulou vecheo Jisü Khristow Apostol shi penike kulu keu, eno ni thiküzüu Sosthenes nikujo no,

Rommi 11:13

Itehi ni ye nongu Jewkumomi pütsa ani. I no Jewkumomi lau apostol shi ake tivilo ni ye I kümlapu lo akijivile anani

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Apostolmi 14:14

Ikemu kughou apostolmi Barnabas ngo Paul pama no ti chilu keno, pama no aphimini süxü ghi posü aqokitikhi gholo ilo no ighamku,

Apostolmi 14:4

Ikemu mishighüna lo timiqo ye kijethave; khami no Jewmi gholo eno khami no apostolmi gholo süve.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Apostolmi 9:5

Saul no pi, “Ampeu, no ye khuu kea?” “Ni ye Jisü, nono kijipüsa akeu huke.

1 Kor. 10:29

ni ye ow kiviküsa lotsü piamoe, ikemu paw pi anike. Kughengu kushiye kütami kükümsü no I pulou shou küghathabe apeni kea?

1 Kor. 10:30

I no shikimthi qhiyi chu aye, kushiye I no shikimthi tsükeu ghenguno I pipüsa apeni kea?

1 Kor. 11:16

Khuana no hipa vehulo kütsala kepu aghimu, ningu na Alhou kukuhouqo namu hitoi keu shichemoe.

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.