1 Kor. 6:9 - Sumi Naga CL (Re-edited) Bible (BSI)

⁹ Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

BAIBEL (BSI)

⁹ Amikucho kumomiye Alhou Yehkipe mheghi ighilumo nani kepi nonguye mtha kesha? Nongu likhi nongu shikughuzu akevilo: kipti toti dolo mithemokemi na, Alhou nguno ajulho kutau mllakemi na, kusalhami na, kipti toti michimono xuwuvekemi na,

Sümi Tiqhelimi Bible

⁹ Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

1 Kor. 6:9 Referans Kwoze

ACHINE 20:13

Kiptimi lakhi no kiptimi sazüve aye, pama ye aphikümqhüpu shivae; pama gha pithiveni. Pama kithi ye pama makho shini.

ACHINE 18:22

No ye totimi sazü keshi kiptimi sazü moni; ti ye Alhou zülo aphikümqhüpu ke.

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

1 Kor. 5:10

ti ye hipa yeghi lo shupu-salha chekemi, alakimnemi eno pükaqhi chekemi, momu ajulho kümllami piamoe, tishini keloye nongu ye ayeghiqha hipau lono ipeve masa niae.

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

ZAKINIU 22:5

“Totimi ye kiptimi phimini pepu moni, eno kiptimi ye totimi phimini pepu moni, kughengu titoi kemi ye Ampeu nongu Lhou zülo aphikümqhüpu ke.

Rommi 1:18

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

1 Kor. 15:50

Athiküzümiqo, I no hi piani: ashi eno aji ye Alhou yekipe ighimla nani, momu thiveni keu ye thimoni keu mheghi ighimla nani.

1 Kor. 15:33

Nongu pishiqhivepe kevilo: “Aküsami lhoksa no ghushoghili kivi shipüsave cheni.”

1 Kor. 3:16

Nongu ye Alhou chineki eno Alhou Ghungu no nongu lolo acheni kepi mtha keshea?

IBRIMI 12:16

Esau no ana akhu lakhi ghenguno pa punu chipiu jeveke toi alhoksa eno mithekumo shive nosake kutokupuilo.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

1 Kor. 5:1

Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.

XAKUTHAMI 19:22

Panongu no chushove no alokughuno shi akelo aphughi lo timi lhoksami ighi no aki sühope ngoluve no ahukikha lo hepuku thuve. Eno panongu no velami vilo pi, “Timi khuu o kilo ighi keno, pa sasü ipeghi lo, ningu no pa ithinie.”

ZAKINIU 23:17

“Israelmi kiptimi totimi khumu achineki lo kütüqhami shimoni.

BOTHUBO 19:5

Eno panongu no Lot kuno pi, “Itiji o lau ighi kemi ye khile ani kea? Ningu lau pama saipeghi lo, tishianguno nino pama ithinie.”

AHOLE 22:8

Khunono achipikumo yisü keno kütsakungo xolu nani, eno pa loghu küsü ye icheve nani.

James 1:16

I qhuu athiküzümiqo, nongu pishiqhivepe kevilo.

1 Kor. 9:24

Pokuxu kelo akupomi kümtsü no pocheni kemu milakhi likhino asaxü ithulu chenie pi nongu ye mtha keshea? Ikehu asaxü ithulu kepushi polo.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

ZEKHARIA 5:3

Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

AHOLE 11:1

Ahu kuchokumo ye Ampeu zülo aphikümqhüpue, ikemu aqhemi shikeu huno Pa lokiqipu ke.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

IPEKULU 23:1

“No ye alatsa veküpha moni. No ye akimki thopi shiniye kixikilami sasü au kumsho moni.

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

ACHINE 18:20

No ye o kisüghüu nipu sazüve no li gholono o shikitiqe moni.

ZAKINIU 22:22

“Timi lakhi no kütami nipu sazü aghi kelono küghalu aye, pama kinikujo pithiveni. Hitoi alhoksa ye nongu dolono ikhiveni.

AHOLE 7:27

Li ki ye Kithigha lo kuwu la, akithipu chebo lo ilove cheni.

EZEKEL 18:11

(pa ampi no hipaqo kiumu shicheghi mo namu), pa no naghutoqo lono chusho, pa kisüghüu nipu shikitiqe,

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

1 Kor. 5:11

Ikemu itehi I no nongu lau ye akeu ye hike: timi khuu no pa ye athiküzümi lakhie pi püzü kipti-toti dolo mithekumo shicheni, alamine, ajulho mlla, momu kütami thaigha, shomzü, pükaqhi cheni keno, timi tipau sasü kuloji kevilo—tikithipu ye sasü kuchu-kushomu shikevilo.

1 Kor. 6:18

Kipti-toti dolo mithekumo lono polulo. Timi lakhi no axine shikeu kümtsü aphimpi khalau noke, ikemu khuu no kipti-toti dolo mithekumo shi keno, pa ye pa phimpi shou axine shipuku ani.

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.