1 Kor. 2:14 - Sumi Naga CL (Re-edited) Bible (BSI)

¹⁴ Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

BAIBEL (BSI)

¹⁴ Ikemu Aghungu Kimthe sumono xuchekemiye Alhou Ghungu launo kumghagho ighilu chemoe. Pa ghenguno tipaqoye mbomzuke eno paye tipaqo ithikuthumlae, kughengu Aghungu likhino tipaqoye amekuapu kiu keno kiqiphelu cheni.

Sümi Tiqhelimi Bible

¹⁴ Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke.

1 Kor. 2:14 Referans Kwoze

1 Kor. 1:18

Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

1 Kor. 15:46

Alhoaye phimpi no atüghüu, tithiuno aghungu kethono aghungu paghike kumoe.

Jude 1:19

Ayeghi küxü lo amlo kütsümi, Aghungu Kimthe küha kemi hipaqo no kijetha keu süghi cheni.

James 3:15

Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 Kor. 15:44

Alhoaye phimpi qhove cheni; ikemu aghungu phimpi shi xüputhuve nani. Alhoaye phimpi ani aye, aghungu phimpi ghi anike.

1 Kor. 2:12

Ningu ye hipa yeghi lo ghungu ithuluke kumoe, ikemu Alhou launo ighikeu Ghungu ithulue, tishikeu lono ningu pelo Alhou no kümsa no kiu ni tsü keno ithi peniye ke.

AHOLE 14:6

Aqheküzami ye adou lono alokütsü phucheni ikemu vethakulumi ghenguno mlalei akighithi phulu cheni.

John 12:37

Panoqo zülo pa no amchipu kümla kutomo shikeghi panongu no pa pülümoe,

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

Apostolmi 16:14

Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

John 8:43

Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Apostolmi 25:19

Ikemu panongu no pano chineye eno timi lakhi Jisü, khuu thive kemu Paul no xüani pi keno, tipaqo vehu lono pa sasü kimpie.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

Apostolmi 18:15

Ikemu hi ye atsa ngo aje eno nongu yezah vehu kütsala keu keke nongu dolono xathalu lo. Ni ye hipaqo vehu loye küghaküthau shimoe.”

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

John 10:20

Panoqo gholo kutomo no, “Pa ye tüghami ani, eno izüuvae; kushiye pa tsa inini kea?” ipi ae.

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 1:25

Kughengu Alhouw mbomzü ye timi lokütsü nguno alokütsü, eno Alhouw miqemlei keu ye timi kükakumto nguno akumtoue.

1 Kor. 3:1

Athiküzümiqo, nongu ye aghungulo timi kumono ashi lo timi eno Khristo küdau angakughunu toi ni ye nongu pütsa masavae.