1 Kor. 16:13 - Sumi Naga CL (Re-edited) Bible (BSI)

¹³ Tsükhüi jukuto lo, aküpülü lo mtotoi puthugho lo, amlo kumto shilo.

BAIBEL (BSI)

¹³ Tsukhuyi alo, nongu kupululo mutotoi puthugho alo, amlo kuloghi shi, mutotoi alo.

Sümi Tiqhelimi Bible

¹³ O likhi O khekuto alo: aküpülü lo mutotoi puthugho lo; amlo kumto shilo; akumto shilo.

1 Kor. 16:13 Referans Kwoze

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

Ephesiami 6:10

Ashekhashi, Ampeu küka kumto lono mtotoi shilo.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

FILIPIAMI 4:13

Khristo no I shikumto keu vecheo ni ye thokha shilu nani.

2 Thes. 2:15

Ikehu, athiküzümiqo, ni tsapi momu yesü lonomu nongu shikave keu khuaye lo mtotoi puthugho lo.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

FILIPIAMI 4:1

Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

1 Thes. 3:8

Nongu no Ampeu lau mtotoi puthugho aghi aye ningu ye xü ani.

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

SAMUEL AKINIU 10:12

Amlo mtolo, ningu ye niw timi, ni Lhouw mishighünaqo ghenguno amlo mtoni, Ampeu no kiu akivi keno shipeni.”

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

MATTHEW 26:41

Ghukuju lo ilovemo kepushi tsükhüi shino inikhu lo. Aghungu ye pulo ani kemu ashi no qeinai anie.”

Kolosiami 4:2

Tamono mtotoi akighini shi alo, shikimthikütsü gholono tsükhüi khekuto alo.

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

DANIEL 11:32

Pa no amqü shino khunoqo no puloshoqhi hexave keno panoqo züiza luve nani, ikemu timi khunono pano Lhou ithi ani keno pano ye akumto shi puthugho no mjochile nani.

1 Thes. 5:6

Tishiaye ningu kütami toi zümoni, ikemu tsükhüi shi idathu ngoni.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

SAMUEL ATUGHIU 4:9

Akumto shilo, eno kiptimi toi shilo, O Philistiamiqo, tikumo aye panongu no püzüu nongu qüaxe shiche ketoi nongu ye Hebrewmi qüaxemi shive nosae; kiptimi toi mjochile lo.”

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

YEKIKITHI ATUGHIU 19:13

Akumto shilo, ningu niw timi eno ni Lhou phughi ghenguno akumto pepheni, eno Ampeu pelo kiu no Pa lopu keno tishilu peni.”

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

MATTHEW 25:13

Tighenguno jukuto khelo, kughengu nongu ye atsala momu atüqhüdo mthake.

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

KUKAMI ATUGHIU 2:2

“Ni ye ayeghi lo kümtsü no sholu chekeu do kupunuvae. Akumto shilo eno timi süchomi shilo,

LESHELE 31:24

Nongu Ampeu ngokhe chekemi kümtsü no mtotoi lo, nongu mlo mtolu lo.