1 Kor. 15:58 - Sumi Naga CL (Re-edited) Bible (BSI)

⁵⁸ Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

BAIBEL (BSI)

⁵⁸ Tighenguno ino kimiye chekemi athikuzumiqo, mutotoi puthugholo, ithakevilo, kihikutha kuhano pulhapuju Ampeu kumla shialo, nonguno ithianike Ampeu kumla kiu shiani keno khilemu adou shivemoe.

Sümi Tiqhelimi Bible

⁵⁸ Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

1 Kor. 15:58 Referans Kwoze

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

YEKIKITHI AKINIU 15:7

Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

LESHELE 55:22

O makho pesü Ampeu lau qhitsülo, eno Pa no o püxü tsü nani; Pa ye khilemu amikuchomi pelo ithave peni keu za tsümo nani.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 Kor. 16:10

Kughou Timothy ighini keno, pa pelo nongu gholo ighümo no ngolu pelo, kughengu pa ghi I toi Ampeu kümla shiani.

1 Thes. 3:12

eno Ampeu no nongu lau niw kikimiye ikowo eno qochili lupe ketoi, nonguw kikimiye ghi lakhi no lakhi lau tishilu peni,

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

LESHELE 112:6

Kughengu amikuchomi ye khilemu ithavemo nani; pa ye alhokuthu kütami no kümsü che nani.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

Kolosiami 2:5

Kughengu I phimpi ye nongu gholo küha pinamu aghungu lono ni ye nongu gholo ani, nongu no kithikiyi eno aküpülü lo mtotoi Khristo lau akeu alokivi shi ithuluni shi ani.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

1 Thes. 3:3

tishianguno aghime hipaqo lono milakhi mu ithave pemo niye ke. Kughengu nongu ampi no ithi anike aghime no ningu saje shivae.

FILIPIAMI 1:9

I no ishi inikhu cheni: nonguw kikimiye ye alaushi akighithi ngo kiviküsa kimchikulu gholono ikowolu peni;

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

Galatiami 4:11

Ni ye adou lono nongu gholo ime mlache keshela pi msa auvae.

RUTH 1:18

Kughou Naomi no li ye tsüikhomo li gholo wuniye anipi ithive keno, li ye kiumu pimove.

1 Thes. 3:5

Hi ghenguno kughou I no kutuu mlave keno, ni ye ghukujuu no nongu ghuju sawuve no ni kümla adou shive nosa keu kümsa lono nongu küpülü ghili ithini ye Timothy puwuke.

FILIPIAMI 2:30

kughengu nongu no I kuphu khawo tomlano akeu kümla kupuve tsüniye pa ye kümsapu kutolo sholu ghi Khristo kümla ghenguno thiveni cheghi ke.

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

LESHELE 73:13

I no I mlo akimthe shipe qhikeu eno akipimi küha keu shi I u mütsüve keu kümtsü adou shivae.

LESHELE 78:37

Panongu mlo ye Pa lau akumto shimoe; panongu ye Paw puloshoqhi lo pükhükulu shimove.

AHOLE 21:21

Khunono achipiu mikucho eno kimiyeqhiyi keu phucheni keno aküxü kivi eno agigihupu phulu nani.

NEHEMIA 6:4

Pama no hitoi ghuthu bidi I lau puwu kemu ti kümtsü lo I no atho khochileve.

Mark 3:3

Jisü no au kithiu vilo pi, “Hilau ighilo.”

Luke 19:19

Pa no khochile, ‘Nono aphughi pungu shou peithani.’