1 Kor. 15:2 - Sumi Naga CL (Re-edited) Bible (BSI)

² Nongu no adou lono pülü püaghimo aye, I no nongu kütsü piyekeu tsa nongu no mtotoi tsüqülu keu lono nongu xalu nani.

BAIBEL (BSI)

² eno khipau vechewo nongu xalukeno tipau nongu vilo piputo nishi ani. Nonguye abokumsa lono pulumo puzu nongu vilo kishekulu pivekeu tsa mutotoi tsuqupe aghiaye tipau vechewo nongu xalu nanike.

Sümi Tiqhelimi Bible

² I no nongu lau Alhou tsa kütsü keu nongu no ithamo no tsüqüpe aye, atsakiviu no nongu xaluvae. Tishimo aye, nongu ye adou lono pülüvae.

1 Kor. 15:2 Referans Kwoze

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

1 Kor. 1:18

Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

James 2:26

Kughengu aghungu küha kelo aphimpi ye akithi ketoi akümla sümo kelo aküpülü ye akithi ke.

James 2:14

I thiküzümiqo, milakhi no pa ye aküpülü anie pi aghimu akümla küha aye kiu akivi ani kea? Aküpülü tipau ye pa xalu nani keshea?

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

Luke 8:13

Khikhi atuqu shou iku keno tipaqo ye, Atsa chilu kelo alokivishi ikhilu chekeqoe. Ikemu panongu ye akuhu küha kehu ado kitila ghenguno pülü cheni, eno peju keu do ighike lono idewove cheni.

James 2:17

Tihutoi akümla sümo kelo aküpülü likhi ye akithie.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

2 Thes. 2:15

Ikehu, athiküzümiqo, ni tsapi momu yesü lonomu nongu shikave keu khuaye lo mtotoi puthugho lo.

Galatiami 3:4

Nongu no adou lono ime püaghi aye, kuchou no nongu ghime ye ame kühave akeshea?

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

AHOLE 4:13

Phekevi no akükütsütsa pelulo; li süsholo, kughengu li no o küxüe.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

1 Kor. 15:14

Eno Khristo xüputhu püaghimo aye, ningu kükütsü ye adou eno nongu küpülü ghi adoue.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

Rommi 11:22

Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

Apostolmi 8:13

Simon ghi pülüve; eno baptiz shiluve kethiu pa ye Philip gholo chewuve. Eno akümzapu ngo amchipu kümla ithulu no Simon ye akichiqhive.

Apostolmi 2:47

Alhou sheqhe eno timi kümtsü lopu shilue. Eno Ampeu no tsala kipetsü panoqo gholo xaluve kemi küpha tsüe.

AHOLE 23:23

Kuchou qhülulo eno je kevilo, alokütsü, akükütsütsa eno vethakulu qhülulo.

1 Kor. 11:2

Ni ye nongu akishe tsü ani, kughengu nongu no thokha lo I kümsülu eno I no nongu lau pekiye tsükeu khuaye papelu ke.