1 Kor. 14:25 - Sumi Naga CL (Re-edited) Bible (BSI)

²⁵ Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

BAIBEL (BSI)

²⁵ eno pa mlolo tuqho tughou akeu lhapheve nani, eno pa gi pishiqhope Alhou mllano ishi piphe nani, “Kuchouno Alhou ye nongu gholo anie!”

Sümi Tiqhelimi Bible

²⁵ kughengu tungkuptsa chilu kelo panongu mlo tuqhou lo akeu hu ye pephe-piyeve nani. Tisheno panongu no qhoqhünhe no ishi ighamuku ghi Alhou mülá nani, “Alhou ye kuchou no nongu gholo anie!”

1 Kor. 14:25 Referans Kwoze

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

Luke 17:16

eno Jisü pukhu philo iqi pa gino ayeghi dape shikimthi tsüe, pa ye Samariami.

Luke 8:28

Pa no Jisü ithulu püzü ighamku pa zülo ikiqive no asütsa kuloghi lono pi, “O Shishe Akiqheu Alhou Nu Jisü, no ye I lau kiu shikepu ani kea? I no o qhüiniju anike I shikughuju kevilo.”

Luke 5:8

Kughou Simon Peter no ti ithulu keno, pa no Jisü pukhu philo ikiqi no pi, “I launo wuvelo, O Ampeu, kughengu ni ye axinemi ke.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

ZAKINIU 9:18

Tishino itaghi I no Ampeu zülo putho pucho atsala lhobidi itsaqi. Nongu no Ampeu zülo axine shikeu lono Pa mlo shikighide ke ghenguno ni ye kiumu chusho move.

BOTHUBO 44:14

Kughou Judah ngo pa thiküzümi no Joseph kilo ighi keno, pa ye aki lo ngo aghi. Panongu no pa zülo ayeghi lo ikiqive.

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

John 4:19

Totimi huno pa vilo pi, “Akijeu, I no kümsüju kelo no ye tungkupue.

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

SAMUEL ATUGHIU 9:19

Samuel no Saul khochile, “Ithukuluu huye ni ke. Izüu shino qhemghaike-a lo wulo, kughengu ishi no ye I gholo chusho nani, thanau no o pelo wuve peni eno nono kümsü akeu kümtsü o vilo pitsüni.