1 Kor. 14:2 - Sumi Naga CL (Re-edited) Bible (BSI)

² Kughengu khuu no amilikithe lono piani keno pa ye timi pütsa anike kumono Alhou pütsa ani; kughengu khunomu pa vethalu amoe, ikemu pa ye Aghungu lono tuqhou jeliqo piani.

BAIBEL (BSI)

² Timi khuno amili jeli kutauno picheni keno paye timi putsa anike kumono Alhou putsa anike, kughengu pano pikeu khunomu mthake, ikemu Aghungu kuka lono paye tuqhou mili jeli akeu lono pianike.

Sümi Tiqhelimi Bible

² Kughengu timi khuu no amili kithé lono piani keno pa ye timi pütsa anike kumoe ikemu Alhou pütsa anike. Kuchou lo ye, timi khunomu panongu no piakeu vethalu chemoe; panongu ye Aghungu vechewo Alhou’w tuqhouqo piqhi cheni.

1 Kor. 14:2 Referans Kwoze

Mark 16:17

Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani;

Apostolmi 19:6

Kughou Paul no panongu shou pa u bekeno, Aghungu Kimthe no panongu shou ighi, eno panongu no amili lono eno tungkuptsa piuve.

Apostolmi 10:46

Kughengu panongu no amili lono pi akeu eno Alhou sheqhe akeu chilue. Tileno Peter no shuphe,

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

1 Tim. 3:9

Panongu ye hi tuqhou küpülü, akükümsü tsüghükhüi shino tsüqüpe masa.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Ephesiami 6:19

I ghengu ghi inikhu tsüalo, tishianguno Alhou no I kichi xükho tsüno atsa I tsü eno mtotoi shi tuqhou tsakiviu pikülhalu peni,

1 Kor. 15:51

Julo! I no nongu vilo tuqhou küsü püakeu tsa piani. Ningu kümtsü no thivemo nani, ikemu kümtsü no kilive nani,

1 Kor. 2:7

Ikemu ningu no Alhouw tuqhou eno küsü püakeu lokütsü picheni, ti ye mulhou no Alhou no ningu juküvüpu ghenguno kughuve tsüke.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Apostolmi 22:9

Timi khunoqo I gholo chekeno, panongu ye aküvü ithulu kemu I pütsa akeu sütsa vethamlae.

Mark 4:11

Pa no panoqo vilo pi, “Alhou yekipe tuqhou ithi penike nongu tsüvae, ikemu khalau akemi ghengu ye thokha kimghikipiye lono pikepu shi ani,

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

LESHELE 78:2

Kimghikipiye lono I kichi xükho no pini; khaghi lo aküzü tsaqo I no lhepiyeni,

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.

BOTHUBO 42:23

Joseph ye panongu vethalu anie pi panongu ye ithimoe, kughengu panongu dolo atsa pekili kemi ake.

BOTHUBO 11:7

Ighilo, ningu iqi no pano tsa kübangüve tsüni nolo, tishianguno panongu lakhino lakhi tsapi vetha mlave peni.”

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

KUKAMI AKINIU 18:26

Tile Hilkiah nu Eliakim, Shebnah, eno Joah no Rabshakeh vilo pi, “Kimiyeno o qemiqo lau Aramaic tsauno pütsa lo kughengu ningu ye ti vethalu nani. Timi hi aliwo lo akeqo no chiluve nanike Judah tsau ye ni pütsa tsü kevilo.”

1 Kor. 12:10

Lakhi lau akümzapu kümla shikulupu tsü püani, lakhi lau tungkuptsa pikulupu, lakhi lau aghungu jeli kimchi kütüta shikulupu, lakhi lau amilikithe tsa jeli pikulupu, lakhiu lau amilikithe tsa pekide kulupu tsü püani.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

1 Kor. 13:1

Tsala I no timi eno kungumi mili lono pi aghi namu kikimiye küha aye, ni ye ayikihe ghügha momu küghapayi ghügha paphi ke.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.