1 Kor. 14:15 - Sumi Naga CL (Re-edited) Bible (BSI)

¹⁵ Ni ye kiu shini kea? Ni ye aghungu lono inikhuni, ikemu I kükümsü lo ghi inikhuni; ni ye I ghungu gholono akishe le pheni, ikemu I kükümsü gholo ghi akishe le phenie.

BAIBEL (BSI)

¹⁵ Tishiaye kishi kepu kya? Niye ilokutsu ghi sukuqhano angu agha lono vethakulu shi inikhu eno akishele phe mayesae.

Sümi Tiqhelimi Bible

¹⁵ Tishiaye ni ye kiu shini kea? Ni ye I ngulho lono inikhu nani, ikemu ni ye I tsa vethalu ghi inikhu nani; ni ye I ngulho lono ale phe nani, ikemu ni ye I tsa vethalu ghi phe nani.

1 Kor. 14:15 Referans Kwoze

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

Jude 1:20

Ikemu kimiye chekeqo, nonguw shishe akimthe küpülü shiqhe puku eno Aghungu Kimthe lono inikhu keu vecheo,

LESHELE 47:7

Kughengu Alhou no ayeghi kümtsü shou Akükau ke; leshele pesü shikipili le phelo!

1 Kor. 14:19

Tishinamu, ni ye akukuho lo kütami kütsü shika nike ghenguno amilikithe lono atsathi qhethonhe chighi piqi pi akepu ye I mlo lono atsathi punguu pive nani.

1 Kor. 10:19

Tishiaye ni ye kiu piani kea? Ajulho mllakeu chuqupu ye kiuala keo ajulho no kiuala kea?

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

FILIPIAMI 1:18

Tishiaye kiu pinia? Amqükini momu kuchou, khikhiu lono shi aghimu ala thokha lo Khristo pesü sheshu keu no ni ye alovi ani. Iyei, ni ye itaghi alovi anani,

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

Apostolmi 21:22

No ighivae pikeu panongu no chilunia pütsa, ikehu kiu shive kepu kea?

1 Kor. 14:14

Kughengu I no amilikithe lono inikhu aye, I ghungu ye inikhu ani ikemu I kükümsü ye avehupu shilu amoe.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

James 5:13

Nongu gholo khuana no shilusa anio? Pa ye inikhu lo. Khuana no alovi ani keshea? Pa ye shekiqhe le phelo.