1 Kor. 13:12 - Sumi Naga CL (Re-edited) Bible (BSI)

¹² Kughengu itehi ningu ye ahiju lo jusü akeshi yekibideu ithulu ani, ikemu hithiu ye agi no agi kinheqhe ithulu nani. Itehi ni ye ithipixi aphi, ikemu Alhou no qhoi ni ithi aketoi hithiu ye I no qhoi ithive nani.

BAIBEL (BSI)

¹² Kughengu itehi ninguno ithulu akeuye ahijukeu yinalo ajulho michimono ithuluakeu toike; ikemu hithiuye agino agi kinheqhe ninguno ithulu nani. Itehi ikighithiye kupukulai mphike, ikemu Alhou no no ithiakeu toi hithiuye ino kumtsu ithive nani.

Sümi Tiqhelimi Bible

¹² Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

1 Kor. 13:12 Referans Kwoze

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

FILIPIAMI 3:12

Ni ye hipau toluva momu kupukülai luve ake piamoe, ikemu Khristo Jisü no I pesü paw shiluve keu ghenguno ni ye azüu hawu cheni.

Piyeküsü 22:4

Panongu no Pa gi ithulu nani, eno Pa je no panongu kishe lo anani.

James 1:23

Kughengu khuana no chiluke likhi shino mlamo aye, pa ye milakhi no ahiju lono tsaqüi pa jutho juake toie.

2 Kor. 5:7

kughengu ningu ye ithukulu lono kumono aküpülü lono checheni.

MATTHEW 5:8

“Amlo tsüghükhüi kemi kümghapue, kughengu panongu no Alhou ithulu nani.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

Rommi 8:18

Kughengu I no thebei kiqiphelu akeu no itodolo aghime akeqo ye kiu lonomu ningu lau pephe niye akeu juküvü sasü kimhelu kepu kühae.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

John 10:15

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

IPEKULU 33:11

Milakhi no pa küsau pütsa ketoi Ampeu no agi no agi kinheqhe ghi Moses pütsa che. Kughou Moses no aphiki lo iloni keno, pa kukuphuu apumi lakhi, Nun nu Joshua, no itha mono aphiki lo ngo che.

EZEKEL 17:2

“Timi nu, sülekutho lakhi hephopiye lo, eno Israel laghami lau aholetsa lakhi pilo;

JOB 19:26

I yiko kuchopu hitoi tsaphe pinyive kethiu, I phiashi hipau lono I no Alhou ithulu nanie,

JOB 36:26

Julo, Alhou ye kije kemu ningu no ithi chemoe; Pa mpe kikihi ye phuilo tomlae.

1 Kor. 13:11

Kughou I no itimi shiche keno, ni ye itimi toi piche, itimi toi kümsüche, itimi toi kiqikuto juche. Kughou I no kichimi shive keno, ni ye itimi ghilisüqe qhikhave.