1 Kor. 12:12 - Sumi Naga CL (Re-edited) Bible (BSI)

¹² Aphimpi lakhi lo aphiau jeli kutomo aketoi eno aphiau jeli kutomo no aphimpi lakhi lo aketoi, Khristo gholo ghi titoi ke.

BAIBEL (BSI)

¹² Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike.

Sümi Tiqhelimi Bible

¹² Aphimpi ye lakhi shi aghí namu aphi-au kutomo anike, eno aphi-au kutomo no aphimpi lakhi kughulho chekeu toi Khristo phimpi ghí titoi ke.

1 Kor. 12:12 Referans Kwoze

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.

1 Kor. 12:27

Tishiaye, nongu ye Khristo phimpi ke, eno milakhi khino tipau lo kihimpemi ke.

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

1 Kor. 10:17

Asho no lakhi ketoi, ningu ye kutomo kemu aphimpi lakhie, kughengu ningu kümtsü asho lakhi lono küsaje ke.

Ephesiami 5:30

kughengu ningu ye pa phimpi lo kihimpemi ke.

Kolosiami 1:18

Pa no aphimpi, ti ye akukuhou, kütsü ke. Pa no hukuthuu, akithi lono xüthughive keu amsüu, ikehu thokha kümtsü lo pa no azüu ke.

Ephesiami 5:23

Kughengu Khristo no akukuhou shou atou ketoi akimi no pa nipu shou atou ke; Khristo no pa phimpi, akukuhou Xakuluue.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Ephesiami 1:23

Ikehu akukuhou ye Khristo phimpi, Pa no kupukülai kughulho tsüke toi tino pa mpi kupukülai tsü cheni.

1 Kor. 12:7

Aqo kivipu ghenguno milakhikhi lau Aghungu akeu pephe piye cheni.

1 Kor. 12:20

Ikemu kuchou loye aphiau jeli kutomo ani kemu aphimpi ye lakhi ke.