1 Kor. 11:26 - Sumi Naga CL (Re-edited) Bible (BSI)

²⁶ Kughengu nongu no khijehi asho hipau chu eno ajukhu ikhiluni keno, tijehi Ampeu ighi moke kutolo nongu ye Pa kithi pikülhatsü anike.

BAIBEL (BSI)

²⁶ Kughengu kughou nonguno asho hipau chuni eno ajukhu hipau ikhilu nikeno tijehi Ampeu ighimoke kutolo nonguye pano thikeu pikulhatsu anike.

Sümi Tiqhelimi Bible

²⁶ Kughengu kughou nongu no asho hipau chuni eno ajikhu hipau lono shoni keno, nongu ye Ampeu no ighimo ke kutólo Ampeu kithí ghili pikülhatsü anike.

1 Kor. 11:26 Referans Kwoze

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

Apostolmi 1:11

eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

John 21:22

Jisü no pa khochile, “I no ighi moke kutolo pa pelo aghipe namu no ye kiu pikepu ani kea? No ye I papelo!”

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

John 21:23

Ikehu akhopeu hipau ye thini chemoe pikeu tsa no athiküzümi gholo veküpha wove; Jisü ye, pa ye thimo nani kepi pa vilo pimoe, ikemu, “I no ighi moke kutolo pa pelo aghipe namu no ye kiu pikepu ani kea?” ipike.