1 Kor. 11:19 - Sumi Naga CL (Re-edited) Bible (BSI)

¹⁹ kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

BAIBEL (BSI)

¹⁹ Kughengu nongu dolo alaxa kututa shi aghi mayesake tishianguno nongu gholo khunoqono achipishi ani keno tipaqo mutsuqheyi michilupeniyeke.

Sümi Tiqhelimi Bible

¹⁹ Kuchou no pìní aye nongu khuu shou Alhou’w puloza ani keno ithinishi aghí aye nongu dolo kijetha keu aghí moayesa pütsá ke.

1 Kor. 11:19 Referans Kwoze

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

Titus 3:10

Timi khuu no kijetha niye xukuthoni keno, ghuthu lakhi eno akiniu pa ghutu lo, tithiu ye kiu lomu pa akhoto shikevilo,

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Luke 17:1

Jisü no pa khopemi vilo pi, “Axine lo ghuju sawuve kepu tüqhüdo ighini pütsae, ikemu khuu vecheo ti süghini keno ahasapue!

ZAKINIU 13:3

nongu ye tungkupu momu asamo pumo kicheu tipau tsa ini moni. Kughengu nongu ye amlo kuchopu eno angulho kuchopu pesü Ampeu nongu Lhou kimiye ani kemo keno ithini ke Ampeu nongu Lhou no nongu peju ani.

MATTHEW 18:7

“Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

Apostolmi 28:22

Ikemu ningu ye o kükümsü kiu keno o launo chiluni shi ani, kughengu aqha kümtsü lo hipa mqo pipüsa akeu nino ithi anie.”

Apostolmi 26:5

Panongu no thopi shinike pulo aye, panongu ye ado kushuo lono ni ithi ighivae, ni chineye lo ayezah akümkau mqo Phariseemi shi ni ye xü ighivae.

Apostolmi 24:14

Ikemu I no o vilo piphe anike ni ye Alaghi, khikhi panongu no achineye mqo ipi ani keno, tipau kiqi lono ni puasü Lhou mlla, eno Ayezah lo akeu ngo Tungkupu kaku lo yepüa keu kümtsü pülü cheni.

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 15:5

Ikemu Phariseemi mqo gholo pülüve kemi khami no puthugho no pi, “Panongu ye aphighüyiko ghavetsü masae eno Moses yezah pape pemasae.”

Apostolmi 5:17

Tile achinetou eno pa gholo akemi (ti ye Sadduceemi loji) kümtsü lolo anhekushu iloghive.

Luke 2:35

tishikeu lono kutomo mlo lo xapu achekeu pephe piye nani, (eno nou ye, azütakikihi no o mlo chuxutsü nani).”

1 Kor. 11:20

Kughou nongu no kuho kumqoni keno, nongu ye Ampeu Ghulhu chu chenike kumoe.

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.