1 Kor. 1:30 - Sumi Naga CL (Re-edited) Bible (BSI)

³⁰ Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

BAIBEL (BSI)

³⁰ Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

Sümi Tiqhelimi Bible

³⁰ Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 1:30 Referans Kwoze

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Kolosiami 1:14

Pa launo ningu ye xachilekulu, axine qhikütsü ithulue.

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

1 Kor. 1:24

ikemu khunoqo kuluve akeno, Jewmi na Greekmi namu, panongu ghengu ye Khristo no Alhou küka eno alokütsü ke.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

1 Kor. 12:8

Kughengu milakhi lau Aghungu vecheo alokütsü tsa pikulupu tsü püani, eno lakhiu lau Aghungu tipau no akighithi tsa pikulupu tsü püani,

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Ephesiami 1:14

Aghungu Kimthe hi ye ningu no Alhou launo akütsa shi amheghi ithulu khamoke dolo tsütha keu ke, Pa jekipipu shi sheqhe akepue.

1 Kor. 12:27

Tishiaye, nongu ye Khristo phimpi ke, eno milakhi khino tipau lo kihimpemi ke.

Rommi 8:23

Pulhoküsü likhi kumoe, ikemu ningu khunoqo Aghungu lo amsüu xathi ani keno, ningu pesü atianuli shi saluve no ni phimpi xachilelu tsü penike khekulhoshi huqhe akelo, ninguu ghi aghime pulho kelau no alouno iju igha acheni.

Rommi 8:9

Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

Rommi 5:19

Kughengu timi lakhiw hekibide ghenguno kutomo pesü axinemi shivepe ketoi Timi lakhiu ghokulu ghenguno kutomo pesü achipikalupe nani.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 4:6

David ghi Alhou no khuno pesü akümla nguno khalau no achipiu shi kihive tsü keno, pano kümghapu tsa ishi yepüa tsüe:

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

DANIEL 2:20

Daniel no khochile no pi: “Alholo eno pülhapuju Alhou je sheqhelo, alokütsü eno akumto ye Paw.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

1 John 5:6

Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

1 Kor. 12:18

Ikemu kuchou loye Alhou no Pa pulou lono aphimpi lo aphiauqo kithikiyi püatsü ke.

Rommi 16:11

I thiküzümi Herodion lau petha tsülo. Narcissus no kibolomi khunoqo Ampeu küdau ani keno panoqo petha tsülo.

Rommi 16:7

I thiküzümi eno I gholo akughumi shi achekeu Andronicus ngo Junia pama lau petha tsülo. Pama ye apostolmi no ithi akemi, eno I züuno Khristo laumi shive kemie.

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Rommi 1:17

Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

AHOLE 8:5

O itikütüpa chekemi, mtsüqhei kiqikutolu keu shikalu lo; O mbomzümiqo, pütsüpuloyi keu shikalu lo.

AHOLE 1:20

Alokütsü no alaghila lono ighamku ani, alhikishi-a lo li no asütsa süqhe ani;

2 Kor. 12:2

Khristo timi lakhi I no ithi ani, khuu ampe chighibidi züu kungugha jolha aküthüu lo saikuve keno—pa phimpi no iku keo aphimpi pumono iku keno ni ye mthae, Alhou no ithi ani.

ISAIAH 11:2

Ampeu Ghungu no pa shou anani, alokütsü ngo vethakulu Ghungu, mijekütsü ngo aküka kumto Ghungu, akighithi ngo Ampeu sükümsa Ghungu no pa shou anani.

Luke 11:49

Tighenguno Alhou Lokütsü no highi pike, ‘I no panongu lau tungkupmi ngo apostolmi puwu nani, tipaqo dolo khami ye panongu no pithive nani eno khami kijipüsa nani,’

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.