1 John 5:20 - Sumi Naga CL (Re-edited) Bible (BSI)

²⁰ Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

BAIBEL (BSI)

²⁰ Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Sümi Tiqhelimi Bible

²⁰ Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:20 Referans Kwoze

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

John 20:28

Thomas no pa khochile, “I Mpeu eno I Lhou!”

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

1 John 4:16

Ikehu Alhou no ni ghenguno kikimiye kije akeu ningu no ithitoi luno pülübe luvae. Alhou ye kimiyekiniu ke, khunono kikimiye lo acheni keno Alhou lau kimepe ani eno Alhou no pa sasü kimepe ani.

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

John 10:30

Ni eno Apu ye lakhie.”

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

1 John 4:2

Alhou Ghungu ye nongu no hipau lono michilu nani: Alhou launo ighikeu Ghungu huno Jisü Khristo ye ashi phimpi xapusü Alhou launo ighie pi shuphe nani,

1 John 2:6

khuu no pa ye Alhou laumi ipini keno pa ye Jisü no cheche keu laghi lo chewu kepue.

IBRIMI 1:8

Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

John 17:14

I no O tsa pesü panoqo tsüe, eno ayeghilomi no panoqo mithi, kughengu I no ayeghi laumi kumo ketoi panongu ye ayeghi laumi kumoe.

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

John 15:4

I lau kimepe lo, eno I no nongu lau kimepeni. Aloka lakhi no atsaibo lo kimepe mokelo pa kutoshi ye axathi pithimla ketoi nongu no I lau kimepe moke loye athi pithimlae.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 14:20

Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

1 John 2:24

Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

Ephesiami 3:18

küpülümi kümtsü gholono Khristo kikimiye akijelau akushulau eno akiqhelau akutholau kiu keno vethalu kepu küka apeni,

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

1 John 2:23

Khunomu Anu milive no Apu ikhilu mlae. Khuu no Anu ikhilu ani keno Apu ghi ikhilu ani.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?

1 John 5:15

Eno nino kiu kiumu khu kelo Pa no chilutsü cheni kepi ningu no ithi aye, ningu no Pa lau qhüiniju püakeu ye niw shilu nani kepi nino ithitoi ani.

1 John 5:18

Ningu no ithi anike Alhou nuli shiluve kemi kümtsü no axine shiauve chemo, ikemu Alhou launo ighi keu huno pa süsho acheni, eno alhoksau ye pa bulu chemoe.