1 John 5:11 - Sumi Naga CL (Re-edited) Bible (BSI)

¹¹ Ashepe ye hike: Alhou no lhokta küxü pesü ningu tsü, eno aküxü hipau ye Pa Nu lau ani.

BAIBEL (BSI)

¹¹ Ashepe shipuakeu huye hike: Alhou no lhokta kuxu ningu tsuvae eno akuxu hipauye pa Nu launo ani.

Sümi Tiqhelimi Bible

¹¹ Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.

1 John 5:11 Referans Kwoze

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

John 1:4

Pa lolo aküxüpu ae, eno aküxüpu huno timiqo küvü ke.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

John 19:35

Khuu no ti ithulu keno pa no thopi shitsü—paw thopi ye kuchou, eno pa ye kuchou tsa piani kepi pa no ithi ani—tishianguno nongu ghi pülülu peniye ke.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 6:68

Simon Peter no pa khochile, “Ampeu, ningu ye khuu lau wuni kea? Nono lhokta küxüpu tsa ani,

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

Jude 1:21

lhokta küxü lo sawu chekeu ni Mpeu Jisü Khristow kimiyekini huqhe ghi nongu ye Alhou kikimiye lo alo.

1 John 5:7

Ashepe shitsü kemi küthü ani:

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

1 Tim. 1:16

Ikemu I no kimiyekini ithulu keu ye hi gheno ke, ni, axinemi kümtsü nguno alhoksau, vecheo Khristo Jisü no paw kupukülai keu kutuukulu piye, tishikeu lono pa pülülu keu lono lhokta küxü ithuluni kemi lau kichekipiye shi peniye ke.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

3 John 1:12

Demetrius ye timi kümtsü launo, eno timi lolo kuchou achekeu launo ashepe kivi ithuluvae. Ningu ghi ni shepe küqhatsü ani, eno ni shepe ye kuchou kepi nono ithi ani.

John 12:50

I no ithi akeu no Pa no azah tsükeu ye lhokta küxü ke. Tighenguno I no kiu pi keno, ti ye Apu no I vilo pikeu ke.”

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 1:2

ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

John 6:47

Kuchou no I no nongu vilo piani, khukhumu pülü keu no lhokta küxü ani.

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

John 1:19

Kughou Jewmi no Jerusalem lo achinemi ngo Levimi puwu no John vilo, “No ye khuu kea?” ipi ighiju keno, John no hitoi ashepe shi,

John 4:4

Pa ye Samaria kathasü wu masave.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.