1 John 4:14 - Sumi Naga CL (Re-edited) Bible (BSI)

¹⁴ Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

BAIBEL (BSI)

¹⁴ Nino ithuluvae eno kutami vilo Apu Alhou Nu pelo ayeghiqhalo Xakuluu shipeniye puwu kepi ninguno ashepe shiani.

Sümi Tiqhelimi Bible

¹⁴ Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 John 4:14 Referans Kwoze

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

1 John 5:9

Timi shepekishi ghi ningu no ikhilu cheghi aye, Alhou shepekishi no akijeue, kughengu hi ye Alhou no Pa Nu ghenguno ashepe shikeu ke.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

John 12:47

Khunono I tsa chilu no pemlani keno, ni ye pa shou küghathabe monani; kughengu ni ye ayeghi lomi shou küghathabeni ke ighike kumoe ikemu ayeghi lomi xaluni ke ighie.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 3:32

Pa no kiu ithulu eno chilu keno tipau thopi shi, ikemu khunomu pa shepe ikhilu tsümoe.

John 3:11

Kuchou no I no o vilo piani, nino keu ithi keno picheni, eno kiu ithulu keno thopi shicheni, ikemu nongu no ni shepe ikhilumoe.