1 John 4:1 - Sumi Naga CL (Re-edited) Bible (BSI)

¹ Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

BAIBEL (BSI)

¹ Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

Sümi Tiqhelimi Bible

¹ Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

1 John 4:1 Referans Kwoze

1 Thes. 5:21

ikemu thokha pejulo; kiu no akivi keno mtotoi tsüqü lulo.

2 Peter 2:1

Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

AHOLE 14:15

Itikütüpa kemi ye chikulu kümtsü pülü cheni ikemu kümsükulumi ye pa pukhune kümtsü chheju cheni.

1 Kor. 14:29

Tungkupmi kini momu küthü no pi pelo, eno kütami ye panongu no kiu pi keno hujulo.

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

Luke 12:57

“Kushiye nongu ye kiu no achipi keno nongu ampi xathaluve chemo kea?

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

1 Kor. 12:10

Lakhi lau akümzapu kümla shikulupu tsü püani, lakhi lau tungkuptsa pikulupu, lakhi lau aghungu jeli kimchi kütüta shikulupu, lakhi lau amilikithe tsa jeli pikulupu, lakhiu lau amilikithe tsa pekide kulupu tsü püani.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Mark 13:21

Khuana no o vilo, ‘Julo, Khristo hi cheni!’ momu ‘Julo, pa ye hu cheni!’ ipi namu pülü kevilo.

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

KUKAMI ATUGHIU 13:18

Pa no Alhou timi vilo pi, “Ni ghi o toi tungkupmi, eno Ampeu tsa vecheo kungumi lakhi no I vilo pi, ‘Pa sasü o kilo ideighi no pa pelo asho chusho pelo.’” Ikemu pa ye miki ae.

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

1 Thes. 5:20

Tungkuptsa jukünatha kevilo,

2 Thes. 2:2

atsa chikulu lono pina, aghungu momu akichi lo tsa, eno niw yesü kimihi lono pinamu Ampeu tsala ighivae pino pai amlo süküthü momu thüghüive kevilo.

1 John 2:7

Kimiye chekemiqo, ni ye nongu lau azakütsü kithe ye anike kumoe, ikemu nongu no abothu lono achekeu zakütsü aqau ke. Azakütsü aqau ye nongu no chiluve keu tsape ke.

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.