1 John 3:4 - Sumi Naga CL (Re-edited) Bible (BSI)

⁴ Khuu no axine kümla shicheni keno ayezah heküxa kümla ghi shicheni, axine ye ayezah heküxau ke.

BAIBEL (BSI)

⁴ Khunono axine shi cheni keno panoye Alhou yeh hekuxa kipimi shiani, kughengu axineye ayezah hekuxauke.

Sümi Tiqhelimi Bible

⁴ Axiné shi chekemi kümtsü ayeza hebide ani; kuchou lo ye, axiné ye ayeza küha ke.

1 John 3:4 Referans Kwoze

1 John 5:17

Akumou kümla kümtsü axine ke, ikemu akithipu lo sailo chemo keu xine ghi acheni.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

AKIKIHI 15:31

Kughengu pa ye Ampeu no kiu pi keno milivae eno püthapütsano Pa yezah hephovae, pa ye aqo gholono kileveni eno pa kipimi ye pa shou ikuve peni.”

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

YEKIKITHI AKINIU 24:20

Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

SAMUEL ATUGHIU 15:24

Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

James 5:15

Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

KUKAMI ATUGHIU 8:47

ikeghi akughu shiake yeghi lono panongu no amlo pebide no xaide püzü, ‘Nino axine shivae eno kixikila shi xüighivae,’ ipi qhüiniju aye,

ISAIAH 53:8

Nedaqoda eno küghakütha vecheo Pa sasü wuve; eno paw tiqhelimi dolo khuu no pa ye timiqo xine ghenguno küxümi yeghi lono pithive kepi kümsü kea?

MATTHEW 5:19

Tighenguno khukhumu azakütsü hipaqo dolo akimkheu mu kughuchove no kütami ghi titoi shika piye cheghi keu ye kungugha yekipe lo akitilau shi kihi nani, ikemu khuu no tipaqo pekupulu no kütami vilo ghi pelu penike pini keno kungugha yekipe lo akijeu shi kihi nani.

Apostolmi 23:3

Paul no pa vilo pi, “Alhou no o ghaqhi niye ani, no metsüghoi nuda püakeu tozü! No ye Ayezah kiqi lono I shou küghatha niye iqa apülaghi Ayezah bidela shi I heqhi lopi azah tsüni keshea?”