1 John 2:20 - Sumi Naga CL (Re-edited) Bible (BSI)

²⁰ Ikemu nongu ye Akimtheu huno nukishelu püani, eno kümtsü no kuchou kighithi ani.

BAIBEL (BSI)

²⁰ Ikemu nonguye Aghungu Kimthe pesu nongu shou lepukutsue eno nongu kumtsuno kuchou ithi ani.

Sümi Tiqhelimi Bible

²⁰ Ikemu nongu ye Akimtheu Lakhi hu no nukishe püani, eno nongu kümtsü no kuchou ithi ani.

1 John 2:20 Referans Kwoze

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

AHOLE 28:5

Alhoksami ye kuchou xakütha vethalu chemoe, ikemu khunono Ampeu phucheni keno qhoi ithitoi ani.

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

1 John 4:13

Hipau lono ningu ye Alhou lau kimepe ani eno Pa no ni sasü kimepe ani kepi nino ithilu ani, kughengu Pa no Pa Ghungu pesü ningu tsüvae.

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

Apostolmi 3:14

Nongu no Akimtheu eno Amikuchou milive no ghikiqhimiu kuqhophe tsülopi khuluve.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

LESHELE 92:10

Ikemu aviala toi Nono I kibo süqhe tsüe; thazü anile shi keu pesü Nono I shou lepuku tsüe.

LESHELE 71:22

O I Lhou, O pükhükulu ghenguno I no akighilebo pesü O sheqheni. O Akimtheu, Israel Lhou, I no küghaküsü lebo pesü O shipilini.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

IBRIMI 8:11

Panongu khumu pano küsau momu pano thiküzümi vilo, ‘Ampeu ithilo’ ipimo nani, kughengu panongu gholo akitilau lono akijeu kutolo kümtsü no Ni ithi nani.

1 Kor. 2:15

Aghungulo timi no thokha kümtsü kiqikutoju cheni, ikemu khunomu pa shou küghathabe chemoe.

Luke 4:34

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

LESHELE 16:10

Kughengu No ye I ngulho pesü Kithighau qhitsümo nani, momu Ow timi pelo shiküpsa ithulu pemo nani.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

Jude 1:5

Itehi ni ye nongu no püzüu no ithive keu tsa pesü ghutu kitheni shiani, ike Ampeu khuu no Egypt yeghi lono timiqo xaphelu keno, athiu ye pülümo keqo pithive ke.

ACHINE 7:35

AMPEUw achuqupu kümllagho lono ikhiphe keu saje hipau ye Aaron ngo pa nuli achinemi shipenike süsüve keqo salae.