1 John 2:18 - Sumi Naga CL (Re-edited) Bible (BSI)

¹⁸ Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

BAIBEL (BSI)

¹⁸ Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

Sümi Tiqhelimi Bible

¹⁸ Kimiye chekemi anuliqo, hiye ashekhau tüqhüdo ke; eno Khristo lakichilemi chekeu nongu no chiluve keu toi, itehi ghí Khristo lakichilemi kutomo ighivae. Hitoi keu no ashekhau tüqhüdo kepi ningu no ithi nani ke.

1 John 2:18 Referans Kwoze

1 John 4:3

ikemu Jisü je shuphemo keu ghungu ye Alhou launo kumoe. Hi ye khikhi ighini chenie pi nongu no chiluche püzü itehi ayeghiqha lo ighive akeno, kichileu Khristo ghungu huke.

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

1 John 2:22

Tishiaye, khuu no Jisü ye Messiah ipikeu milive cheni keno, timi tipau no akimkiu thono khuu no kea? Khuu no Apu eno Anu milive cheni keno, pau no kichileu Khristo ke.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:5

Kughengu kutomo no I je lono, ‘Niye Messiah ke,’ ipi ighi no timi kutomo saküghüzü nani.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Mark 13:6

Kutomo no I je lono pisü ighi nani, ‘Ni ye Pa ke!’ eno kutomo saküghüzüve nani.

2 Peter 2:1

Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

MATTHEW 24:11

Kichile tungkupmi kutomo ipeghi no timi kutomo saküghüzü nani.

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

John 21:5

Jisü no panoqo vilo pi, “Anuliqo, nongu ye akha anima?” Panongu no “Moe” ipi khochile,

Rommi 13:11

Hinguno alau nongu no ado-ghuloki ithi anino itehi nongu ye züida thughive kepu do ighivae. Kughengu xakulupu ye püzüu ningu no atüghü lo pülülu kelo nguno itehiu no kupunukhoi ighivae.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.