1 John 2:14 - Sumi Naga CL (Re-edited) Bible (BSI)

¹⁴ Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu ye mtotoi ani, Alhou tsa no nongu lolo ani eno nongu no alhoksau theqhilu ke.

BAIBEL (BSI)

¹⁴ Itianuliqo, niye nongu lau yepuwuluve kughengu nonguno Apu ithi anike. Apunoqo, niye nongu lau yepuwue kughengu inahu abothu lono acheghi keu hu nonguno ithike. Lhothemiqo, niye nongu lau yepuwulue kughengu nonguye mutotoike eno Alhou tsa nongu lolo ake eno nonguno Alhoksau shou theqhiluveke.

Sümi Tiqhelimi Bible

¹⁴ Kimiye chekemi anuliqo, I no nongu lau yè akeu ye nongu no Apù ithi akeu ghenguno ke. Apùnoqo, I no nongu lau yè akeu ye nongu no abothu lono khuu acheghi keno pa ithi akeu ghenguno ke. Lhothemiqo, I no nongu lau yè akeu ye nongu no akumto shi, eno Alhou tsa no nongu lolo xü acheni, eno nongu no küsaküghau theqhiluve ke ghenguno ke.

1 John 2:14 Referans Kwoze

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

1 John 2:13

Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu no alhoksau theqhilu ke. Atianuliqo, ni ye nongu lau ye ani, kughengu nongu no Apu ithi cheni.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

Ephesiami 6:10

Ashekhashi, Ampeu küka kumto lono mtotoi shilo.

John 8:31

Ikehu Jewmi khunono Jisü pülülu keno tipaqo vilo pa no pi, “Nongu no I tsa papelu aye nongu ye kuchou no I khopemi,

John 5:38

eno nongu lolo Pa tsa kühae, kughengu Pa no khuu puwu keno nongu no pülümo ke.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

3 John 1:3

Kughou athiküzümiqo no ighi püzü nono kuchou küxü lo puthugho achekeu pesü ashepe shi keno, ni ye shishe alovive, kughengu mtsüqheino no ye kuchou küdau checheni ke.

2 John 1:2

ti ye ningu lolo kuchou akeu eno alholo ningu gholo acheni ke ghenguno ke.

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

FILIPIAMI 4:13

Khristo no I shikumto keu vecheo ni ye thokha shilu nani.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.

1 John 1:10

Tsala nino ningu ye axine shimphie pi aghi aye, ninguu no Alhou pesü akimkiu shive tsüae, eno Pa tsa ye ni lolo kühae.

John 8:37

Nongu ye Abraham laghami kepi I no ithi ani, ikeghi nongu lolo I tsa ngokepu küha kehu nongu ye I pithini ke phucheni.

1 John 1:1

Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,