1 John 1:2 - Sumi Naga CL (Re-edited) Bible (BSI)

² kughou aküxüpu tipau pephe piye keno, ningu no ithulu no ashepe shitsü, eno lhokta küxü khikhi Apu gholo ache püzü ningu lau pephetsü keno, tipau pesü nongu lau sheshu ani.

BAIBEL (BSI)

² Kughono akuxupu hu pephetsu keno nino tipau ithulu eno tipau shepe shike eno Apu gholo lhokta kuxupu ache puzu nilau pephetsu keu hu tipau pesu nongu lau asheshu ani.

Sümi Tiqhelimi Bible

² Aküxü hu ipeghi ke; eno ningu no tipau ithuluve no thopi shi cheni, eno ningu no nongu lau lhokta küxü hu asheshu acheni, tiye Apù gholo ache no ningu lau ipeghi keu ke.

1 John 1:2 Referans Kwoze

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

John 1:4

Pa lolo aküxüpu ae, eno aküxüpu huno timiqo küvü ke.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

1 John 5:11

Ashepe ye hike: Alhou no lhokta küxü pesü ningu tsü, eno aküxü hipau ye Pa Nu lau ani.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Apostolmi 10:41

timi kümtsü lau kumo kemu Alhou no thopimi shipenike kisheluve kemi, pa no akithi lono ithughive kethiu pa sasü kümtsa chusho kemi ningu lau ipeghi ke.

Apostolmi 5:32

Ningu ye thime hipaqo thopimi ke, eno Alhou no Pa gholu kemi lau tsükeu Aghungu Kimthe ghi thopimi ke.”

Apostolmi 2:32

Alhou no Jisü hipau xüputhuve, eno ningu kümtsü no tipau thopimi ke.

Apostolmi 1:22

John no baptiz shitsü kelono ningu launo pa saikuve ke kutolo ni gholo chekeno, tipaqo dolo lakhi pesü ni gholo paw xüchilekulu thopimi shi masave.”

John 21:14

Akithi lono xüputhuve kethiu Jisü no akhopemi lau ipeghi keu hi no ghuthu aküthüue.

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 8:38

I Pu no kiu I piye keno I no picheni, ikemu nongu ye nongu papu no kiu piye keno ti shicheni.”

John 7:29

Ni ye Pa ithi ani, kughengu ni ye Pa launo ighi, eno Pa no I puwuke.”

John 3:13

Kungugha lono milakhi iqighi keu, Timi Nu thono khunomu kungugha lo ikuju mphie.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

1 John 1:1

Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 19:35

Khuu no ti ithulu keno pa no thopi shitsü—paw thopi ye kuchou, eno pa ye kuchou tsa piani kepi pa no ithi ani—tishianguno nongu ghi pülülu peniye ke.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

1 John 4:2

Alhou Ghungu ye nongu no hipau lono michilu nani: Alhou launo ighikeu Ghungu huno Jisü Khristo ye ashi phimpi xapusü Alhou launo ighie pi shuphe nani,

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

1 John 5:13

Nongu khunono Alhou Nu jelo pülübelu keu lono lhokta küxü anani pi ithinishi cheni keno, ni ye nongu lau hipaqo ye ani.