ZEFANIA 3:6 - BAIBEL (BSI)

⁶ AMPEU no pi, “Ino ashiayeh qhoi joleve; ino panoqo phughiqo kutsalevetsu eno panoqono putu muxakeu ngo aghukhu qogheqo ixapiniyi qhivetsuke. Aphughiqoye piyighive; alaghilaye kumsa shivetsu nani, timi lakhimu qhitsumo nani.

Sumi Naga CL (Re-edited) Bible (BSI)

⁶ “I no shiyeqo ghitha pevae; pano ghukhe-aqo ye kütsavae; pano laghila ye kümsa shive no khunomu tipaqo lo püla movae; pano phughiqo ye pighive no milakhimu küghüna movae.

ZEFANIA 3:6 Referans Kwoze

1 Kor. 10:6

Itehiye hipaqo thime huno ningu kutughukeu shianike, ningu pelo panongu toi alhoksa thime kumsu mine pemoniyeke.

1 Kor. 10:11

Hipaqo kumtsu panongu shou ikughi keu huye kichekipiyeke, ikemu hipaqo yepe qhipuaghikeuye ningu kutughuakeu ke, kughengu ninguye kishekha wochekeu ghulokilo xuayae.

ZEFANIA 2:5

Nongu Filistiyami khunoqono azughi kumxalo acheni keno nonguye puhani putsa. AMPEU no nongu shou kugha thabevae. Pano nongu kutsaleve nani eno nongu milakhimu qhimove nani.

ZEKHARIA 7:14

Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”

ISAIAH 37:36

AMPEU wu kungumino Asiriyamino akeu alo wupuzu ghushimi 185,000 pithivetsu. Thanau inaqhe tsutho ipeghikelo panongu kumtsu thikhaveaghi!

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

MATTHEW 23:38

Julo, nongu ki phevae eno timi kughunamae.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

ISAIAH 14:26

Hipauno ayeghiqha ghenguno ino kughupe akeu eno ashiayeh ghimeqhi nike i-u chhope ani.”

JEREMIYA 9:12

Ino iniju, “O AMPEU, kushiye aghakhuye kutsapinyive eno asayeqha toi qhiveno timi khunomu tipau kathasu izuwumovea kya? Khuno hipau vethakulupu shi alokutsu lukumkha ani kya? Noye khuvilo hipau chixechilei pivea puzu pano kutami vilo pilukepu ani kya?”

JOSHUA 23:4

Julo, ino nongu shiyeh ghenguno khipaqo achili aghikeno pe nongu mheghi shivetsuae, tinguno alau ino lelukeqo shiyeh Jordan kipelauno kulolau Mediteriya Zughi kuto pe nongu tsuvae.